Свет
Нови судири во Белфаст
Фотографот на британската агенција Press Association е застрелан во нога, а уште две лица се повредени во Белфаст, во втората последователна ноќ на судири помеѓу протестантите и католиците
Фотографот на британската агенција Press Association е застрелан во нога, а уште две лица се повредени во Белфаст, во втората последователна ноќ на судири помеѓу протестантите и католицитеПолицијата денеска соопшти дека во пресметката со молотови коктели, петарди, камења и други предмети во населбата Њутонардс во источен Белфаст учествувале околу 700 луѓе. И претходната ноќ во судирите, кои локалните политичари ги опишаа како најлоши последната деценија, две лица завршија во болница со прострелни рани од огнено оружје. Полицијата се уште нема утврдено кој синоќа го ранил фоторепортерот во нога, додека за другите двајца повредени соопшти дека се хоспитализирани поради изгореници. Пресметката била прекината дури откако полицијата во Њутонардс добила големи засилувања и употребила димни бомби и солзавец. Насилствата избувнаа во пресрет на сезоната на паради на протестантите во источен Белфаст, претежно населен со протестанти, но со големи католички енклави, период во кој често доаѓа до судири помеѓу двете заедници. Ирските протестанти со парадите ги одбележуваат британските победи над католиците во текот на историјата, што протестантите го сметаат за дел од нивниот културен идентитет. Католиците, пак, парадите ги доживуваат како провокации. /крај/блиц/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка, испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош кои, како што се наведува, опишале како течел денот кога исчезнала нивната ќерка.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме е неописливо. Тоа може да го разбере само родителот. Неколку пати ни дојде полиција, ѝ зедоа разни работи на Данка, ништо не знаеме, ниту за крвта на патот, ниту во кола, ниту ништо. Не ни е јасно зошто не се јавиле во итната помош, зошто не помогнале, но го направиле тоа. Тоа што јас и Ивана постојано страдаме е страшно, разни луѓе ни се јавуваат, не навредуваат, ни ја префрлаат вината. Морав да побарам да го сменам бројот, не можеме повеќе. Кога се ќе заврши, ќе кажеме се“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафах во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.