Јеменскиот претседател Али Абдула Салех во следните неколку дена ќе го напуштат Ријад, каде што е на рехабилитација, и ќе отпатува за Германија на понатамошно лекување, пренесува порталот yemennation.com во средата цитирајќи високи јеменски извор

Претходно, порталот на арапски јазик Elaf, цитираше извор во амбасадата на Јемен во Саудиска Арабија кој изјави дека здравствената состојба на претседателот Али Абдула Салех не дозволува тој да се врати во татковината од Ријад, каде што е на лекарски третман откако беше ранет од шрапнел при нападот на џамијата во претседателскиот комплекс во главниот град Сана, во почетокот на јуни. „Авионот на претседателот, кој претходно пристигна во Ријад, е подготвен во секое време да го пренесе Салех во Германија за понатамошно лекување, како и извршување серија операции од доменот на пластичната хирургија“, пишува порталот.Вестите за претстојното враќање на Салех предизвикаа жестоки протести на опозицијата во Јемен којашто претходно изјавуваше дека тој „,засекогаш го напушти Јемен“.Водечката опозициска организација во земјата „Револуционерна младина на Јемен“ го повика претседателот Салех да си поднесе оставка и апелираше на итно формирање преоден револуционерен совет, кој треба да ги преземе ингеренциите и да го подготви новиот устав на земјата. Повеќе од сто влијателни племенските и верските лидери во Јемен, исто така, повикаа на брзо спроведување на претседателските избори во земјата. Тие издадоа писмена изјава, во која уште еднаш побараа оставка од претседателот Салех и избор на нов претседател во рок од 60 дена.