Свет
Судири меѓу полицијата и демонстранти во северна Италија
Триесетина лица од кои 25 полицајци се повредени во понеделникот во градот Киемонте во северна Италија во судири меѓу противниците на изградбата на нова железничка линија Торино-Лион и полицијата, јави агенцијата Анса.
Триесетина лица од кои 25 полицајци се повредени во понеделникот во градот Киемонте во северна Италија во судири меѓу противниците на изградбата на нова железничка линија Торино-Лион и полицијата, јави агенцијата Анса. Неколку стотици активисти на движењето No Tav рано утринава ја блокираа зградата на државните железници на Италија на линијата што води кон местото на кое се пробива нов тунел како гранка од железничката пруга. Започнувањето на изградба на тунелот е закажано за 30 јуни. Според весникот „Кориере дела сера“, на местото на протестите биле испратени 2.500 полицајци. Кога полицајците се обиделе да ги растераат демонстрантите, тие почнале да фрлаат петарди и камења кон нив. Притоа полицијата морала да употреби солзавец. Во судирите се повредени четворица демонстранти и 25 полицајци, јавува Анса. Движењето No Tav е организирано главно од жители на долината Вал-ди Суза, кои се противат на изградбата на железничката линија со голема брзина железничката на територијата на нивната општина. Претходно големи судири со полицијата, на активистите на истото движење се случија и во 2003 и во 2005 година../крај/анса/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.