Радиоактивен стронциум е пронајден на морското дно во близина на оштетената нуклеарна централа „Даиичи“ во Фукушима, јавува агенцијата Кјодо.

Радиоактивен стронциум е пронајден на морското дно во близина на оштетената нуклеарна централа „Даиичи“ во Фукушима, јавува агенцијата Кјодо.Токиската компанија за електрична енергија, под чија одговорност е нуклеарката, соопшти дека на дното од морето, на оддалеченост од три километра од брегот, се пронајдени траги од стронциум 89 и стронциум 90, со силина  меѓу 10 и 44 бекерели.  Појасот кој е радиоактивен се протега на 20 километри северно и јужно од нуклеарната централа. Стронциумот 90 има период на полураспаѓање од 29 години. Јапонската Комисија за нуклеарна безбедност најави дека ќе започне со детални истражувања за тоа како и дали радиоактивните материјали ќе влијаат врз морската флора и фауна. Североисточниот брег на Јапонија на 11-ти март беше погоден од земјотрес со магнитуда од девет степени според Рихтеровата скала, кој предизвика цунами и експлозии во нуклеарката во Фукушима и ја поттикна најголемата нуклеарна криза од онаа во Чернобил во 1986 година. Цунамито кое следеше по земјотресот се прошири на 561 квадратен километар. Огромните бранови навлегоа 10 километри во внатрешност, уништувајќи се пред себе.Во катастрофата загинаа најмалку 15.000 луѓе, 9.893 се уште се водат како исчезнати, а вкупната штета се проценува на 184 милијарди долари. /крај риа/сс/