Најмалку три лица загинаа, северно од јеменскиот главен град Сана, во судирите помеѓу владините и опозициските сили, соопштија извори блиски до опозицијата.

Најмалку три лица загинаа, северно од јеменскиот главен град Сана, во судирите помеѓу владините и опозициските сили, соопштија извори блиски до опозицијата. Водачот на опозициското племе Нахам, шеикот Али Јусеф, изјавил дека владините сили под команда на синот на претседателот Али Абдула Салех извршиле бомбардирање на селата на планината Нахам, која се наоѓа на 30 километри оддалеченост од Сана. Тој дополнил дека воздушните напади кои започнале вчера продолжиле и во текот на денешниот ден. Според него, загинале најмалку три лица, а уништени биле 48 куќи, додека неколку стотици луѓе биле приморани да ги напуштат своите домови. На планината Навах вооружени судири има уште од половината на февруари, кога започнаа антивладините протести. Преставници на разни племиња во неколку наврати ги спречуваа владините сили да ја минат планината. Претседателот Салех се уште се наоѓа на лекување во Судиска Арабија, со повредите тој се здоби кога на почетокот на месецов беше нападната неговата резиденција. Неговите синови Ахмед и Халид се команданти на воени единици и имаат клучна улога во одржувањето на режимот. Кризата во Јемен започна во февруари годинава, кога населението со мирни демонстрации започнаа да бара оставка од Салех, која на претседателската функција се наоѓа од 1978 година.   крај/б/нц