Свет
Најмалку четворица загинати во експлозиите во Мумбаи

Четири лица загинаа во серијата експлозии во индиската деловна престолнина Мумбаи, пренесува AFP повикувајќи се на претставникот на локалната полиција Наик Бандакар
„Познато ни е за две експлозии, една којашто одекна во близина на училиште и другата во близина на пазарот за злато“, го цитира агенцијата Наик Бандакар. Претходно, индиската телевизија Geo News јави за три експлозии кои се случија во трговските центри Давар и Заивери во Мумбаи во кои има според неа најмалку стотина повредени. Според телевизјата, од експлозиите се оштетени фасадите на околните куќи и зградата на локалната опера. Според други локални медиуми, во експлозиите се ранети околу 15 луѓе. Други детали за инцидентот засега не се наведуваат. Последниот голем напад во Мумбаи се случи на 26 ноември 2008 година, а го изведоа десет исламистички терористи кои пристигнале во градот преку морето од пакистанската метропола Карачи. Поделени во групи, тие стрелаа врз цивили на улица, во кафеани, на железничката станица, а потоа се забарикадираа во ексклузивен хотелски комплекс со пет ѕвездички и цели два дена пружаа отпор на специјалните индиски сили додека. Тогаш во Мумбаи загинаа 166 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп нема да се кандидира за трет мандат

Претседателот на САД, Доналд Трамп, изјави дека не планира да се кандидира за трет мандат како шеф на државата, иако во изминатите недели имаше спекулации за тоа.
Трамп, кој постојано ја споменуваше можноста за трет мандат откако се врати во Белата куќа во јануари, ја отфрли таа можност, што е забрането со Уставот.
„Тоа не е она што се обидувам да го направам“, рече Трамп.
„Сакам да имам четири многу добри години, а потоа да се повлечам и да направам место за некој друг, идеално за одличен републиканец“, додаде Трамп, кој ги именуваше својот потпретседател Венс и државниот секретар Марко Рубио за потенцијални наследници.
„Ќе бидам претседател осум години, претседател со два мандата. Секогаш мислев дека тоа е важно“, рече Трамп во интервју за Ен-Би-Си – Њуз.
На прашањето дали на странците на американска почва треба да им се обезбеди фер судење, како што е предвидено во Уставот, републиканскиот милијардер рече дека не е адвокат и не знае.
Трамп ја стави борбата против нелегалната имиграција на прво место, зборувајќи за „инвазија на криминалци од странство“ и организирајќи полициски операции за нејзино спречување.
Свет
Украинската воздушна одбрана собори 69 од 165 дронови користени во рускиот напад врз Украина

Украинската воздушна одбрана собори 69 од 165 дронови користени во рускиот напад врз Украина во текот на ноќта, соопшти украинската војска.
Воздухопловните сили на Украина соопштија дека 80 од дроновите исчезнале од радарот, веројатно поради мерки за електронско војување преку кои тие биле пренасочени, или биле мамки што не носеле експлозиви.
Најмалку 11 лица се повредени во рускиот напад со беспилотни летала врз Киев во текот на ноќта, во кој беа запалени неколку станбени згради во украинскиот главен град.
Меѓу повредените се двајца малолетници на возраст од 14 и 17 години.
Регионалниот гувернер на регионот Черкаси во централна Украина, Игор Табуретс рече дека во нападот со руски беспилотни летала доцна синоќа се предизвикани неколку пожари. Украинската служба за вонредни ситуации соопшти дека едно лице е повредено.
Регион
Сведоштво по страшната сообраќајка во Хрватска: „Се слушна силен тресок, врескање, а луѓето излегуваа низ прозорците“

Две лица загинаа, а повеќе од 30 се повредени во страшната сообраќајка што се случи на автопатот А3 низ Хрватска вчера ноќта. На кобната несреќа, во која учествувале автобус и автомобил од Босна и Херцеговина, ѝ претходел „судир“ на автомобил голф и срна, која излетала на автопатот.
„Автомобилот налета на срна која истрча на патот. Возачот очигледно не можел да го придвижи автомобилот после тоа, но излегол на патот и мавнал кон другите автомобили за да ја намали брзината и да застане. Возачот на автобусот што доаѓал не застанал и удрил во тој автомобил, ја пробил заштитната ограда и се превртел и завршил во спротивен правец“, изјавил Мирослав Голуб од противпожарната служба, пренесува 24сата.
Очевидци раскажале за ГП Маљевац како изгледале застрашувачките моменти по судирот. “Тоа беше како на филм.
„Се слушна силен тресок, а потоа и врескање. Луѓето се обидуваа да излезат низ скршените стакла на автобусот. Возачот на автомобилот стоеше на страна и мавташе за да ги предупреди другите, но не успеа”, рекол сведок на хоророт на автопатот.