Бројката загинати во трите експлозии во индиската деловна престолнина Мумбаи се зголеми на најмалку десет лица, додека повеќе од сто се ранети, соопшти локалната полиција.

Бројката загинати во трите експлозии во индиската деловна престолнина Мумбаи се зголеми на најмалку десет лица, додека повеќе од сто се ранети, соопшти локалната полиција. Првата експлозија се случи на многу посетуваниот пазар Заивери, втората пред градската опера а третата во јужниот дел од Мумбаи, во квартот Давер. Претходно, претставникот на локалната полиција Наик Бандакар за AFP информираше дека полицијата може да потврди за две експлозии и за четворица загинати. Индиската државна телевизија јавува дека полицијата трага по уште една неексплодирана бомба.Дописникот на BBC јавува дека во градот владее узбуна, додека властите се’ уште не објавија кој може да стои зад нападите. Исто така, ниедна од познатите терористички и екстремни групации засега не ја презема одговорноста за експлозиите.Експлозијата на традиционалниот трговски центар Завери каде се познатите продавници за накит. Во Давер, експлодирало такси возило паркирано на автобуска станица. Третата експлозија се случи во квартот во кој е лоцирана Операта на Мумбаи, а во времето на детонацијата 19 часот по локално време (!5,30 часот по македонско), во областа имало многу луѓе кои се враќале од работа. Индиските медиуми го пренесоа соопштението на министерството за внатрешни работи дека станува збор за терористички напад. Мумбаи на 26-ти ноември 2008 година беше цел на терористички напади кога добро обучена и вооружена десетчлена група којашто преку морето пристигна од пакистанската метропола Карачи со координирани напади во деловниот центар убија 166 луѓе а потоа два дена беа забарикадирани во елитен хотелски комплекс со пет ѕвездички давајќи жесток отпор на индиските специјалци.Според некои локални медиуми, денешниот напад се случил на роденденот на Мхаман Ајмал Амир Касаб, единствениот преживеан од нападите на 2008 година/крај/ббц/афп/сн