Свет
Хероинот најлесно се набавува во Данска, марихуаната во Чешка
Данска, Шпанија и Италија се земјите од Европската унија каде најлесно може да се набави хероин и кокаин, додека престолнината на Чешка, Прага е градот во кој најлесно може да се набави марихуана, објавија повеќе европски медиуми.
Данска, Шпанија и Италија се земјите од Европската унија каде најлесно може да се набави хероин и кокаин, додека престолнината на Чешка, Прага е градот во кој најлесно може да се набави марихуана, објавија повеќе европски медиуми. Ова го покажуваат резултатите на истражувањето кое во мај месец го спроведе Европската комисија, а во кое учествуваа млади на возраст од 15 до 24 години. Секој четврти испитаник во Данска, Италија и Шпанија рекол дека „многу лесно“ во рок од 24 часа може да се набави хероин. Во овие земји лесно достапен е и кокаинот, при што 40 отсто од испитаниците се изјасниле дека оваа дрога може лесно да се најде во нивните земји. На листата на земји каде до дрога може лесно да се дојде следуваат Ирска, Португалија и Велика Британија. Чешка во која „силните“ дроги се меѓу најнедостапните во земјите од ЕУ се наоѓа на првото место кога во прашање е марихуаната, покажуваат резултатите од истражувањето. Дури 75 отсто од младите Чеси велат дека марихуаната лесно може да се набави, овој процент е поголем од холандскиот каде марихуаната легално се продава. крај/фена/нц/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку 50 луѓе загинаа во поплавите во Авганистан
Најмалку 50 лица загинаа во Авганистан во поплави по обилните дождови во северната провинција Баглан, изјави портпаролот на Министерството за внатрешни работи, Абдул Матен Кание.
Тој посочи дека бројот на жртви може да се зголеми, пренесе Ројтерс.
Кание рече дека има поплави во повеќе од пет области во Баглан по обилните дождови и на некои домаќинства им е потребна итна помош.
Тој додаде дека за вечерва се предвидуваат две силни невремиња.
„Министерството за внатрешни работи испрати екипи и хеликоптери во областа, но поради недостиг на светла за ноќно гледање во хеликоптерите, операцијата можеби нема да биде успешна“, рече тој.
Најмалку 33 лица загинаа, а 27 се повредени во силните поплави предизвикани од сезонските дождови во средината на април во Авганистан.
Поплави во април го погодија главниот град Кабул и неколку провинции низ земјата.
Свет
САД најавуваат нов пакет помош од 400 милиони долари за Украина
Соединетите Американски Држави денеска ќе објават нов пакет помош од 400 милиони долари за Киев, кој ќе вклучува ракети за системите „Патриот“ и борбените возила на пешадијата „Бредли“, пишува „Политико“, повикувајќи се на неименувани американски претставници.
„Во петок САД ќе објават нов пакет воена помош за Украина во вредност од 400 милиони долари“, пишуваат медиумите.
Политико наведува дека пакетот ќе вклучува ракети „Патриот“ и „Стингер“, пешадиски борбени возила „Бредли“, оклопни транспортери МРАП и противтенковски системи „Јавелин“.
Свет
Лукашенко го разреши началникот на Генералштабот на вооружените сили на Белорусија
Претседателот на Белорусија, Александар Лукашенко го потпиша указот за разрешување на началникот на Генералштабот на вооружените сили Виктор Гулевич.
„Генерал-мајор Виктор Гулевич беше разрешен од должноста началник на Генералштабот на вооружените сили, прв заменик министер за одбрана. Соодветната уредба 192 беше потпишана од претседателот“, се наведува во соопштението и се додава дека Гулевич е разрешен од служењето на војската поради неговата возраст, но дека го задржува правото да носи воена униформа, пренесува Известија.
Претходно Лукашенко го критикуваше воено-индустрискиот комплекс (МИЦ) за, како што рече, лошите резултати.