Свет
Талибаните го убија советникот на Карзаи
Талибаните во понедленикот ја презедоа одговорноста за убиството на Џан Мохамед Кан, советникот на авганистанскиот претседател Хамид Карзаи, кого вчера го убија двајца вооружени мажи во напад на неговиот дом во Кабул, пренесе AFP
Џан Мохамед Кан е вториот близок соработник на авганистанскиот претседател Хамид Карзаи кој е убиен во рок од нецел месец. Полубратот на Карзаи, Ахмед Вали Карзаи беше убиен минатиот вторник во Кандахар за што, исто така, одговорноста ја презедоа талибаните.„Нашите муџахедини го натераа Џан Мохамед Кан да плати за своите дела“, рече гласноворникот на талибанците Забинулах Муџахид, пренесе агенцијата.Напаѓачите на Кан беле убиени од страна на полицајци во вооружена пресметка.Џан Мохамед Кан беше гувернер во покраината Урузган. Како и Вали Карзаи и тој беше еден од најблиските соработници и човек од доверба на Карзаи.Братот на претседателот на Авганситан и претседател на провинцискиот Совет на Народните претставници на провинцијата Кандахар, Ахмад Вали Карза беше убиен минатиот вторник од шефот на неговото лично обезбедување Мохамад Сардар. Убиецот веднаш бил застрелан од страна на другите телохранители на Вали Карзаи, дополни авганистанската агенција.Претставникот на талибаните, Јусуф Ахмади веднаш во вторникот за AFP изјави дека талибаните ја преземаат одговорноста за атентатот. Ахмади додаде дека талибаните неодамна го задолжиле својот припадник Мохамад Сардар да го убие Ахмад Вали Карзаи.Ахмад Вали Карзаи, кој беше влијателна фигура во владејачките структури во провинцијата Кандахар, во неколку наврати беше споменуван во западните медиуми во врска со производството и транспорт на дрога и трговијата со дрога од источните авганистански провинции. Претходно, имаше неколку обиди за негова ликвидација, но тој секогаш се извлекуваше неповреден.Ахмад Вали Карзаи е контроверзна личност во Авганистан кој беше доведуван во поврзаност со вносната трговија со опиум. Во документите што минатата година ги објави WikiLeaks беше наведено дека Ахмад Вали Карзаи е еден од главните нарко босови во Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.