Свет
Чеченија ќе ги забрани енергетските пијалаци
Чеченија ќе ја забрана продажбата на енергетски пијалаци како Red Bull на помлади од 18 години, затоа што тие биле неисламски и опасни, соопштија високи функционери на оваа исламска руска република
Чеченија ќе ја забрана продажбата на енергетски пијалаци како Red Bull на помлади од 18 години, затоа што тие биле неисламски и опасни, соопштија високи функционери на оваа исламска руска републикаОваа забрана е последна во низата што ги воведоа властите на оваа република, каде што алкохол може да се купи само во кратки периоди наутро, рестораните затвораат во текот на рамазан, а жените кои работат во згради во државно сопствеништво мора главите да си ги покриваат со шамии.„Енергетските пијалоци се исти како пивото“, објаснил за агенцијата Reuters заменик-министерот за здравство Рукман Бартиев и додал дека тие пијалоци се и штетни за здравјето.Предложената забрана наиде на одобрување кај конзервативните делови на општеството, но ги разбесни обичните Чеченци, кои се повеќе се бунат против низата вакви закони кои важат само во Чеченија и честопати го прекршуваат Уставот на Русија.„Во последно време има премногу забрани. Ние во Русија градиме мала исламска држава, како да е Дубаи“, вели еден жител на престолнината Грозни.Десет години откако Москва успеа да ги тргне од власта во републиката сепаратистите, Кремљ се потпира само на чеченскиот лидер Рамзан кадиров за да ги држи под контрола бунтовниците и да го одржува кревкиот мир. Критичарите на тврдокорниот Кадиров, пак, тврдат дека тој републиката со 1,1 милион жители ја води како да е негов феуд и власта ја одржува преку насилни пресметки со опозицијата и преку наметнување на негова лична верзија на исламот што, предупредуваат аналитичарите, би можело да доведе до тоа Чеченија повторно да се обиде да се избори за независност. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.