Свет
Верска нетрпеливост мотив за нападите во Норвешка
Триесетгодишник осомничен дека е извршителот на двата напада со смртни последици извршени во петокот во Осло и околината, непријателски е расположен кон исламот, соопшти во саботата норвешката полиција, ненаведувајќи ги директните мотиви за злосторството
Истрагата на норвешката полиција спроведена по вчерашните напади дошла до изјави кои осомничениот ги објавил на интернет во кои може да се препознае дека „му е блиска десницата и дека е непријателски расположен спрема муслиманите“, изјави за норвешката телевизија , началникот на полицијата во Осло, Свеинунг Спронхеим. Тој додаде дека е се’ уште рано да се каже кои биле вистинските мотиви за нападите.Во петокот најмалку 87 лица загинаа во експлозијата пред зградата на норвешката влада во Осло и во пукотниците кои следеа потоа на еден од островите и во околината на норвешката престолнина, каде се одржуваше летен камп на лабуристичката младина. Во петокот попладне норвешката полиција соопшти дека го уапсила 32-годишниoт Норвежанец кој е осомничен за вмешаност во двата напада, но не го потврди неговиoт идентитет кој се појави во медиумите.Норвешката телевизија TV1 ја објави фотографијата и името на осомничениот, кого го идентификуваше како Андерс Bехринг Брејвик. Според норвешките медиуми, најверојатно цел на нападот биле норвешките лабуристи кој се na власт во земјата, пред се’ кабинетот на премиерот Јенс Столтенберг, кој во моментот на експлозијата не бил во владата, и министерствата во близината, како и летниот камп за студенти организиран од подмладокот на лабуристите кој се одржувал 40-ина километри подалеку на островот Утоија. Во кампот престојувале повеќе од 600 студенти, а некои од нив барајќи спас скокале во вода, наведуваат норвешките медиуми.Исто така, се наведува и дека осомничениот за нападите бил близок на крајната десница и поседувал повеќе парчиња оружје регистрирани на негово име. Според очевидци, напаѓачот бил маскиран како полицаец и бил вооружен со автоматски пиштол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.