Кинеска подморница со човечки екипаж денеска успеа да се спушти на длабочина поголема од 5.000 метри, прв пат во историјата, извести кинескиот Уред за поморски работи (СОА)

Кинеска подморница со човечки екипаж денеска успеа да се спушти на длабочина поголема од 5.000 метри, прв пат во историјата, извести кинескиот Уред за поморски работи (СОА)Подморницата Јиалонг, наречена според називот на митски змеј, достигна 5.057 метри со трочлен екипаж и се задржала на таа длабочина половина час, прецизираат од СОА на нивната интернет страница.Потфатот бил изведен во водите на североисточен пацифик. На таа длабочина, на кинеската подморница и се достапни околу 70 проценти од океанското дно на планетава. Минатата недела подморницата, која ги истражува океанските извори, достигна длабочина од 4.027 метри. Последниве неколку децении Кина го надомести доцнењето во однос на развиените земји во областа на поморските, поларните и вселенските истражувања и во 2003 година стана третата држава во светот која испратила човек во орбитата на земјата. Во поморските истражувања, Кина е пета земја која ја минала границата од 3.500 метри во походите на подморниците со човечки екипаж.Најдлабокото спуштање кое некогаш е изведено е она на батискафот на „Трст“ на американската морнарица во 1960 година, кој го достигнал дното на океанот на најдлабоката точка, 11.000 метри во Маријанската бразда на Пацификот. Подморницата „Јиаолонг“, која е конструирана да се спушти до 7.000 метри длабочина, е наменета за научни истражувања на природните богатства на океанското дно. Последниве години Кина вложува исклучителни напори во потрагата по енергетски и други извори кој ќе му помогнат на нејзиниот стопански раст. Кинеската глад по суровини и засилувањето на нејзините воени капацитети будат страв кај меѓународната заедница, а особено кај нејзините азиски соседи. Минатата година подморницата „Јиаплонг“ симболично постави кинеско знаме на морското дно крај јужна Кина, за чија сувереност се борат повеќе држави од регионот, што од многумина беше сватено како намерна провокација на Пекинг. /крај/хина/сс/