Свет
Словенија предлага данок за нездрава храна
Словенечката опозиција е скептична за предлогот на владата за воведување на посебни трошоци за нездравата храна по пример на некои други земји од ЕУ, како Данска и Унгарија.
Словенечката опозиција е скептична за предлогот на владата за воведување на посебни трошоци за нездравата храна по пример на некои други земји од ЕУ, како Данска и Унгарија.
Рудолф Петан, пратеник на Словенската демократска партија која ја води опозицискиот лидер Јанез Јанша во отворено писмо до владата тврди дека оданочувањето на брзата храна дополнително го загрозило животниот стандард на граѓаните најпогодени од економската криза и неодговорно водење на државата, за што е виновна актуелната влада на Борут Пахор, наведуваат словенечките медиуми.
Иако се планираше воведување на данок на слатки и засладени безалкохолни пијалоци популистички ја оправдува новата здравствена политика, станува збор за исклучива намера на владата да осигура нов приход бидејќи прехранбените навики на оние кои ги погодила кризата е тешко на тој начин да се сменат, се наведува во писмото, прашувајќи даки владата има план да го стимулира трошењето на здрава храна и кој ќе одредува која храна е здрава, а која нездрава.
Предлогот на владата за воведување на данок за нездрава храна , како што се наплаќа за цигари и алкохол, го поддржаа од здравствените установи, но со предупредување дека добиените средства треба да се наменат за едукација за промена на животниот стил и начинот на исхрана.
Според нивната оценка на тој начин би можел да биде успорен трендот на растечката појава која им прети на младите генерации и која е главна причина за зголемениот број на дијабетичари, но и останатите болести кои доаѓаат од преголема телесна тежина./крај/дхр/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кинескиот претседател со предупредување до Блинкен: „Вашингтон едно кажува друго прави“
„Вашингтон мора да престане „да кажува едно, а да прави друго“, како и да престане да го третира Пекинг како непријател, изјави кинескиот претседател Шји Џјинпинг на средбата со американскиот државен секретар Ентони Блинкен, пренесува „Политико“.
„Нашите земји, мора да бидат верни на нивните зборови. Мора да си помагаме да напредуваме, а не да си наштетуваме“, рече кинескиот претседател кого Џо Бајден не еднаш го нарече „диктатор“, пренесува медиумот.
Покрај тоа, Џјинпинг истакна дека има многу отворени прашања меѓу Кина и Соединетите Американски Држави кои бараат решавање.
Пекинг е иритиран од обидите на Вашингтон да го зајакне својот сојуз со Јапонија и Филипините, да обезбеди воена поддршка на Тајван и да го ограничи пристапот на Кина до напредните полупроводнички технологии.
Сепак, и покрај зголемените противречности, Блинкен ја уверил кинеската страна дека САД се посветени на развивање на односите „за добробит на двата народа“, пишува „Политико“.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.