Свет
Демантирана веста за смртта на синот на Гадафи
Либиската влада во петокот ги демантираше информациите за загинувањето на бригадниот командант Хамис Гадафи, најмладиот син на либискиот водач полковникот Моамер ел-Гадафи во воздушен напад на НАТО.
Либиската влада во петокот ги демантираше информациите за загинувањето на бригадниот командант Хамис Гадафи, најмладиот син на либискиот водач полковникот Моамер ел-Гадафи во воздушен напад на НАТО.„Тоа се лажни информации. Тие измислуваат вести за Хамис Гадафи во Злитан за да ги прикријат нивните убивања“, изјави за Reuters портпаролот на либиската влада, Муса Ибрахим.Ибрахим додава дека станува збор за „валкана манипулација поради прикривање на злосторствата сторени во Злитан“. И убивањето на членовите на либиското семејство Ал Марабит.НАТО не ги коментираше информациите кои дојдоа од бунтовничките редови дека најмладиот син на полковникот Моамер ел-Гадафи загинал во воздушен напад на неговите борбени авиони, но потврди дека Алијансата во четвртокот ги бомбардирала командните и контролни позиции во подрачјето на Злитан. Претставниците на НАТО од оперативната команда во Неапол изјавија дека слушнале за информациите за смртта на синот на Гадафи, но дена не можат да ги потврда. „во овој момент не можеме ништо да потврдиме“, бидејќи нема луѓе на тој терен, но се обидуваме да дознаеме што точно се случило“, изјавил соговорник на Reuters од командата во Неапол.Хамис Гадафи е командант на 32-та бригада на либиската армија, којашто според воените експерти е најефиканската, најдобро обучената и најдобро опремена воена единица на либиската армија лојална на Гадафи и централен дел на државниот безбедносен апарат. Хамис долго време ги предводи про-режимските милициски групи во градот Злитан и командува со борбите за овој западен град за да сопре напредувањето на бунтовничките сили кон главниот град Триполи. Тие во Злитан ги држат позициите за одбрана на Триполи кој е оддалечен околу 160 километри.Либискитe бунтовници во петокот претпладне тврдеа дека еден од Хамис Гадафи е убиен во воздушен напад на авионите на НАТО во западниот град Злитан.„Во текот на ноќта беше извршен авионски напад од страна на НАТО врз штабот за воени операции на силите на Гадафи во Злитан, при што се убиени околу 32 војници. Еден од нив е Хамис“, изјави Мохамед Завави, портпарол на обединетите либиски револуционерни сили.Завави додава тој ја добил информацијата од бунтовничките шпиони инфилтрирани во редовите на војската на Гадафи.Градот Злитан се наоѓа на патот меѓу упориштето на либиските востаници, Мисрата и Триполи а бунтовничките сили веќе подолго време се обидуваат да го заземат и да го ослободат крајбрежниот пат кон либиската престолнина.Во воздушен напад на авионите на НАТО од ноќта меѓу 30-ти април и 1-ви мај врз резиденцијата на Гадафи во Триполи, беше убиен најмладиот син на либискиот водач, 29-годишниот Саиф ал-Араб кој немаше јавни и воени функции. како и три внуци на Гадафи – двегодишниот Сеиф, двегодишната Картаџе и четиримесечното бебе Мастура, како и неколкумина негови пријатели и соседи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.