Свет
Американскиот хеликоптер во саботата паднал во талибанска стапица
Американскиот хеликоптер кој во саботата беше урнат во Авганистан, кога загинаа 31 американски војник и седум авганистански офицери, го урнале талибаните.
Американскиот хеликоптер кој во саботата беше урнат во Авганистан, кога загинаа 31 американски војник и седум авганистански офицери, го урнале талибаните. Како што пренесува AFP, повикувајќи се на извор во владата на Авганистан, американските специјалци биле намамени во замка на талибаните со давање лажни информации. Инаку ова уривање беше најтешката загуба во жива сила на меѓународната коалиција од почетокот на интервенцијата во Авганистан во 2001 година, со која беше соборен талибанскиот режим. „Потврдено е дека хеликоптерот е соборен и паднал во стапица на лидерот на локалните талибани Кари Тахир“, изјавил неименуваниот извор за француската новинска агенција.„Тој им давал на Американците лажни информации за состанок на талибанските бунтовници во еден од тамошните комплекси. Знаел по кој пат ќе тргнат хеликоптерите и заземал позиции на двете страни од долината.“, појаснува соговорникот на AFP.Кога пристигнал хеликоптерот на посочената локација, бунтовниците го нападнеле со ракети и современо против воздушно вооружување. Изворот додал и дека во хеликоптерот се наоѓале припадници на специјалните сили, но бил повикан како засилување за американските сили кои го нападнале сомнителниот објект во кој имало околу 30 талибани, наместо 8 колку што требало да бидат според лажната информација.Претходно во понеделникот портпаролот на мисијата ИСАФ соопшти дека се истражуваат причините за несреќата, и дека во тек е обезбедувањето дополнителни информации за инцидентот. Во саботата најмалку 31 припадник на американските специјални единици загина откако се урна хеликоптер на Меѓународните безбедносни сили на НАТО за помош на Авганистан (ИСАФ), во источната провинција Вардак.Според првичните информации од саботата што ги лиферуваше руската агенција РИА Новости, повикувајќи се на градоначалникот на Мајдан-Шахр, центар на провинцијата Вардак, Халим Федаи, бунтовниците го собориле хеликоптерот со ракета „земја-воздух“. /крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Руски војник осуден на доживотен затвор за убиство на украински воен заробеник
Украински суд денес осуди руски војник на доживотен затвор за убиство на украински воен заробеник, прв таков случај од почетокот на руската инвазија на Украина.
Суд во југоисточниот град Запорожје го прогласи Дмитриј Курашов (27) за виновен за убиството на Виталиј Ходниук, украински војник кој се предаде на руските сили во јануари 2024 година.
Курашов, кој беше заробен од украинските сили заедно со други руски војници кратко по инцидентот, се изјасни за виновен на суд, иако подоцна им рече на новинарите дека е невин и сака да биде вклучен во размена на заробеници.
Неговата казна има симболично значење за Украина, која вели дека руските сили егзекутирале голем број украински воени заробеници, но осомничените обично се надвор од дофатот на украинската правда. Русија негира дека нејзините војници вршат воени злосторства.
Нападот во кој е убиен Ходниук се случил на 6 јануари 2024 година. Според обвинителите и сведоците, Ходниук се предал невооружен, клекнал, а Курашов го застрелал со митралез. Курашов тврди дека истрелите биле испукани од воен лекар по име „Седој“, кој подоцна починал. Рускиот напад бил краток.
фото: принтскрин
Свет
Ненси Пелоси објави дека ќе се пензионира
Ненси Пелоси, првата жена што стана претседател на Претставничкиот дом на САД, изјави дека нема да се кандидира на изборите во 2026 година, што го сигнализира крајот на нејзината четиридецениска кариера како прогресивна демократска икона, честопати критикувана од десницата.
„Нема да се кандидирам за реизбор во Конгресот. Со благодарно срце, се радувам на мојата последна година од службата“, рече Пелоси во видео порака објавена на X.
Претседателката на Претставничкиот дом Пелоси отслужи два мандата, од 2007 до 2011 година и од 2019 до 2023 година.
85-годишната Пелоси, која првпат беше избрана во Конгресот во 1987 година, во интервју за Ројтерс во 2022 година изјави дека жали што не победила на повеќе избори во својата долга кариера за да им ја одземе моќта на републиканците и да се осигура дека „суштество како Доналд Трамп никогаш нема да стане претседател на Соединетите Американски Држави“.
Свет
Папата: Потребно е итно да се достави хуманитарна помош во Газа
Поглаварот на Римокатоличката црква, папата Лав Четиринаесетти, денес во Ватикан се сретна со палестинскиот претседател Махмуд Абас, со кого разговараше за итната потреба од прекин на конфликтот во Газа и за доставување хуманитарна помош.
Како што објави Ватикан, pапата ја повтори потребата од решение за израелско-палестинскиот конфликт со две држави.
Во соопштението се наведува дека за време на „срдечните разговори во Апостолската палата, двете страни ја нагласија итноста од обезбедување хуманитарна помош за цивилното население во Газа и ја нагласија важноста од прекин на конфликтот преку решение за две држави“.
Средбата се одржа по повод десетгодишнината од потпишувањето на Сеопфатниот договор меѓу Светата столица и Државата Палестина.
Денешниот разговор беше првата средба меѓу двајцата, бидејќи претходно комуницираа по телефон.
Еден ден пред средбата со папата Лав Четиринаесетти, Абас ја посети базиликата Света Марија Маџоре за да му оддаде почит на гробот на папата Францискo.
Посетата беше неговиот прв чин по пристигнувањето во Рим во средаta попладне.
„Дојдов да го видам гробот на папата Францискo, бидејќи не можам да заборавам што направи за Палестина и за палестинскиот народ. Не можам да заборавам дека ја призна Палестина, без никој да го замоли да го стори тоа“, рече Абас.
Фото: принтскрин

