Свет
Над 270 студенти уапсени во Чиле во судирот со полицијата
Над 270 студенти се уапсени, а 23 полицајци биле повредени за време на демонстрациите во Чиле, во кои десетици илјади лица побараа реформи на образовниот систем.
Над 270 студенти се уапсени, а 23 полицајци биле повредени за време на демонстрациите во Чиле, во кои десетици илјади лица побараа реформи на образовниот систем.
Во чилеанскиот главен град Сантјаго синоќа излегле неколку илјади студенти, придружувани од професорите и нивните родители. Притоа демонстрантите се судрија со полицијата, која употребила солзавец за да ја растера толпата.
Според полициски извори, на демонстрациите учествувале околу 60.000 лица, додека организаторите на протестот тврдат дека имало најмалку 100.000 демонстранти.
Протестот се одвивал мирно, се додека една група маскирани млади момчиња не започнале да фрлаат камења и стапови врз полицијата.
Студентите во Чиле сметаат дека јавниот школски систем, во кој се образуваат околу 3,5 милиони студенти, не е доволно финансиран и е длабоко неправеден. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.