Јеменскиот претседател Али Абдула Салех нема да ја потпише иницијативата за реформи и избори, сé додека земјата не ја напуштат неговите најголемите опоненти генералот Али Мохсен aл-Ахмар и шеикот Садек ал-Ахмар, пишува весникот „ал-Халиџ“ повикувајќи се на јеменската опозиција.

Јеменскиот претседател Али Абдула Салех нема да ја потпише иницијативата за реформи и избори, сé додека земјата не ја напуштат неговите најголемите опоненти генералот Али Мохсен aл-Ахмар и шеикот Садек ал-Ахмар, пишува весникот „ал-Халиџ“ повикувајќи се на јеменската опозиција. Претседателот на Јемен, Али Абдула Салех, во средата на состанокот во Ријад со своите колеги од владејачката партија  Генералниот народен конгрес, изјави дека ќе ја разгледа можност за рестартирање на иницијативата на организацијата Совет за соработка на арапските држави од Заливот (GCC). „Салех постави услов: тој ќе го потпише документот предложен од страна на GCC и ќе ја предаде власта на неговиот заменик, но пред тоа Јемен треба да го напуштат генералот Али Мохсен ал-Ахмар и шеикот Садек ал-Ахмар“, ги цитира весникот зборовите на еден од лидерите на јеменскиот опозициски блок „Ал-Лика ал-муштарак“, Јахја Абу Асба.Двајцата лидери на опозицијата, според зборовите на Aсбa, веќе се согласиле со овој предлог. Генералот Али Мохсен ал-Ахмар – е полубрат на претседателот Салех. Тој долги години беше началник на вооружените сили и се сметаше за „човекот број два“ во земјата. За своето преминување во редовите на опозицијата, и поддршка на „револуционерната младина“, Али Мохсен објави на 21-ви март годинава.Шеик Садер ал-Ахмар е лидер на една од најголемите заедници во Јемен – племето Хашид. Претходно ал-Ахмар, како и неговиот презименик  Али Мохсен ал-Ахмар, беше меѓу приврзаници на претседателот. Според Салех, атентатот врз него го организирале извеле поддржувачите на племенскиот водач на Хашидите. Претседателот на Јемен во моментов се наоѓа во саудиската престолнина Ријад, каде што е на рехабилитација по нападот извршен врз него во јуни во кој беше ранет. Планот на Совет за соработка на арапските држави од Заливот предвидува мирно решавање на внатрешниот политички конфликт во Јемен, што треба да се обезбеди со повлекување на претседателот Салех од власта во рок од 30 дена по формирањето на влада на национално единство. По назначувањето на владата, претседателот треба да ја предаде власта на заменик-претседателот а опозицијата да запре со демонстрациите. Иако Салех во принцип не го одбива планот на Советот, претходно трипати под различни изговори, одби да ја потпише оваа мировна иницијатива. На 3-ти јуни врз претседателот Салех непознати лица пукаа додека тој беше во џамијата во близина на претседателската палата во престолнината Сана. Според други извори, во џамијата експлодирала подметната бомба. Повредени во експлозијата беа и премиерот и заменик премиерот, претседателот на парламентот и неколку политичари кои присуствуваа на традиционалната петочна молитва. Салех, во нападот се здоби со изгореници околу 40 проценти на кожата и повреди на белите дробови. По два дена во Ријад нему му беше извршена операција со која беа отстранети шрапнели од проектил. Јеменската опозицијата соопшти на 25-ти јули дека нема да влезе во никакви преговори со владата, доколку Салех не го потпише договорот за предавање на власта во рамките на мировната иницијатива на Советот на Заливот Масовни антивладини протести започна во Јемен во почетокот на февруари а од средината на март станаа поорганизирани. Демонстрантите бараат реформи и оставка на сегашниот претседател Салех, кој е на власт 33 години. Јеменски безбедносни сили користат оружје за да ги растурат протестите, а според западните медиуми во текот на немири во земјата загинаа неколку стотици луѓе./крај/аа/сн/сн