Свет
Камерон бара морален компас

На Велика Британија и претстои пронаоѓање на морален компас, изјави денеска британскиот премиер Дејвид камерон, по повеќедневните масовни немири и грабежи, во кои пет лица загинаа, а беше причинета штета од 200 милиони фунти.
На Велика Британија и претстои пронаоѓање на морален компас, изјави денеска британскиот премиер Дејвид камерон, по повеќедневните масовни немири и грабежи, во кои пет лица загинаа, а беше причинета штета од 200 милиони фунти.Камерон наведе дека „одговорното мнозинство“ бара владата да изгради поцврсто општество.„На нашата земја и заѕвони алармот за будење – општествените проблеми кои тлееле со децении, ни експлодираа во лице“, рече камерон во говор пред пратениците.Лидерот на опозиционата Лабуристичка партија Ед Милибанд ги критикуваше плановите на камерон и побара пратениците помалку да се занимаваат со обвинување, а повеќе со создавање на подобри услови за младите.Безредијата и грабежите започнаа на 6 август во Лондон, по убиството на едно 21 годишно момче од страна на полицијата, а потоа се проширија и во други градови.Здружението на британските осигурителни компании ја процени вредноста на украдениот и оштетен имот на околу 200 милиони фунти, но се очекува тој износ да расте.Британското министерство за правда соопшти дека досега поради учество во немирите се обвинети над 1.200 луѓе, а неколку судови, првпат во модерната британска историја, работеа и во недела. /крај/ап/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.