Свет
Синот на Гадафи се појави на улиците на Триполи
Саиф ал-Ислам, еден од највлијателните синови на либискиот лидер Моамер Гадафи, за кој претходно беше објавено дека е фатен од бунтовниците, ненадејно се појави на улиците на Триполи, со што го стави под знак прашање обемот на контрола врз престолнината од странa на бунтовниците
Саиф ал-Ислам, еден од највлијателните синови на либискиот лидер Моамер Гадафи, за кој претходно беше објавено дека е фатен од бунтовниците, ненадејно се појави на улиците на Триполи, со што го стави под знак прашање обемот на контрола врз престолнината од странa на бунтовниците
Саиф, за кого сите сметаа дека е очигледен наследник на својот татко ако не се случеше бунтот, го посети хотелот во триполи каде штоп се сместени странските новинари, каде што повторно истакна дека владините сили ја добиваат битката против бунтовниците. Тој ги одведе новинарите до упориштето на неговиот татко во комплексот Баб ал-Азизија, при што насмеан се ракуваше со поголема група негови поддржувачи.
„Им го скршивме ‘рбетот на бунтовниците. Ова беше стапица. Тие се соочија со силен отпор и сега ние победуваме“, рече Саиф и им порача на оние кои пред камерите чекаа ред да добијат оружје дека Уште денес ќе ги нападнеме стаорците“.
На прашањето дали неговиот татко е на сигурно, Саиф кратко одговори „секако“.
Саиф истакна и дека Триполи е под целосна владина контрола и дека не му е грижа за налогот за апсење издаден од Меѓународниот суд за злосторства, кој не го и неговиот татко ги гони за злосторства врз човештвото.
Бунтовниците навлегоа во Триполи во саботата и се претпоставува дека оттогаш има стотици загинати и ранети во борбите за престолнината на Либија. Во градот има повеќе силни џебови на отпор на лојалистите на Гадафи, а во пресметките се користи и тешко оружје како противавионски топови.
Според странските известувачи, се чини дека тенковите и снајперистите на Гадафи држат само уште неколку помали области во градот, главно околу силно утврденото упориште на гадафи, комплексот Баб ал-Азизија во центарот на градот.
Пристигнуваат и извештаи дека силни борби се водат и во и околу еден од најголемите нафтени терминал, градот Брега, за кои бунтовниците тврдеа дека е целосно под нивна контрола.
Повеќе светски лидери вчера повторно го повикаа Гадафи да се предаде и да го прекине крвопролевањето. Тој, во последното обраќање до јавноста преку државната телевизија во неделата, кратко пред таа да го прекине емитувањето на програмата, истакна дека „ќе остане во Триполи до самиот крај“. /крај/reuters/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.