Свет
Синхуа: Пентагон лажно ја обвинува Кина
Извештајот на Пентагон за развојот на кинеската војска е лажно обвинување, кое ја преувеличува заканата за регионот, оцени во денешниот коментар кинеската државна новинска агенција Синхуа.
Извештајот на Пентагон за развојот на кинеската војска е лажно обвинување, кое ја преувеличува заканата за регионот, оцени во денешниот коментар кинеската државна новинска агенција Синхуа. Во вчерашниот извештај на Пентагон се наведува дека Кина по развојот на новиот стелт авион и носачот на авиони, како и рекордниот број на лансирања во вселената, во текот на минатата година, е на пат до 2020 година да создаде модерна, регионално фокусирана армија. Пентагон „повторно ги конструира наводите за кинеска закана“, наведува Синхуа во својот коментар. Во коментарот се додава дека Вашингтон шири паника и повторен е ставот дека Кина армијата ја развива исклучиво во одбрамбени цели.„Кина е приврзана кон одбрамбената воена политика, нејзиното економско влијание расте, има се поголеми трговски и стратешки интереси во светот и ги има сите права да гради комплетна војска“, стои во коментарот на Синхуа. Заменик помошникот на министерот за источна Азија, Мајк Шифер, оцени, дека загриженоста не расте поради носачот на авиони, стелт авионот или која било друга програма, туку дека постојаното зголемување и вооружувањето, може да преставува дестабилизација и „да го зголеми крвниот притисок“ на земјите во регионот. Кинеската дипломатија и министерството за одбрана се уште официјално не реагирале на извештајот на Пентагон, напоменува агенцијата АП. крај/б/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.