Свет
ЕУ уште нема став за палестинското барање за признавање држава
Европската унија сé уште нема единствен става за настојувањата на Палестинците во Обединетите нации да биде признаена нивната државност, за што САД најавија вето, изјави во понеделникот во Каиро високата претставничка на ЕУ за надворешна политика Кетрин Ештон.
Европската унија сé уште нема единствен става за настојувањата на Палестинците во Обединетите нации да биде признаена нивната државност, за што САД најавија вето, изјави во понеделникот во Каиро високата претставничка на ЕУ за надворешна политика Кетрин Ештон.„Сé уште нема резолуција на масата, па нема ни став“, изјави Ештон по средбата со египетскиот министер за надворешни работи Мохамед Камел Амр.„Она во што сме јасни во ЕУ е дека преговорите се пат за напред. Сакаме да видиме праведен и чесен договор, сакаме да го видиме народот на Палестина и народот на Израел како живеат еден покрај друг во мир и безбедност и ќе сторам сé што можам за да помогнам тоа да се постигне“, додаде Ештон.Палестинските челници велат дека ЕУ го чека текстот на резолуцијата којашто Палестинците ќе ј поднесат во ОН.Палестинската национална автономија беше воспоставена во 1993 година на Западниот брег и во појасот Газа, за да се раководат палестинските работи, но таа не успеа да постигне договор со Израел за воспоставување независна држава на тие подрачја со источен Ерусалим како главен град. Во март годинава, палестинскиот лидер Махмуд Абас, најави дека во септември ќе се обрати пред ОН со барање за признавање на независна палестинска држава во границите од 1967 година – во Западниот брег и појасот Газа со нејзин главен град во Источен Ерусалим. Оваа изјава предизвика остра реакција на Израел, САД и неколку западни земји, за кои тоа претставува едностран чекор и повикаа на продолжување на мировните преговори со Израел, прекинати во септември 2010 година поради нерешавањето на прашањето за подигањето на израелските населби на окупираните палестински територии. Израел одбива да се врати во границите од 1967 година, ја одбива поделбата на Ерусалим кој го прогласи за своја„вечна и неделива престолнина/крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.