Свет
Медиумите во Австралија под истрага?
Австралиската влада најави дека медиумите ќе се најдат под истрага бидејќи пратениците се жалат на пристрасност на компанијата „Њус корп“ на магнатот Руперт Мардок, како и на нејзината сопственост над преголем број од
Австралиската влада најави дека медиумите ќе се најдат под истрага бидејќи пратениците се жалат на пристрасност на компанијата „Њус корп“ на магнатот Руперт Мардок, како и на нејзината сопственост над преголем број од дневните весници.
„Њус корп“ поседува 70 отсто од сите австралиски весници, а сé побројни се реакциите да се истражи работењето на таа компанија со седиште во Њујорк, откако компанијата беше принудена да го истражи нејзиниот најтиражен британски таблоид „Њус оф д ворлд“, поради скандалот со илегалното прислушување на телефоните.
Австралискиот министер за комуникации, Стивен Конрој, член на владејачката лабуристичка партија, денеска пред странските колеги најави дека ќе биде покрената истрага над медиумите. За истрагата, според него, се преговара со Партијата на зелените која ја поддржува малцинската влада на лабуристите.
Конрој, меѓутоа, истакна дека истрагата нема да претставува напад на „Њус лимитид“, австралиската подружница на „Њус корп“ на Мардок.
Руперт Мардок, кој има австралиско потекло е натурализиран Американец, преку „Њус корп“ оствари големо влијание во светот.
Конрој прецизираше дека во итрагата би можела да се вклучи и заштитата на приватноста и улогата која ја има Австралискиот совет за печат, саморегулаторно тело кое ги надгледува печатените медиуми.
Лабуристите долго се жалат дека весниците во сопственост на „Њус корп“ се пристрасни во корист на конзервативната Либерална партија и дека таа корпорација има преголема контрола врз австралиските медиуми.
Тие ги обвинуваат медиумите за рекордниот пад на популарноста на лабуристите, четири години откако за прв пат дојдоа на власт.
Водачот на либералите Тони Ебот ја отфрли потребата за истрага во медиумите, тврдејќи дека нема докази за било какво постоење на нови проблеми во оваа сфера. Според него се работи за обид медиумите да се понижат./крај/б/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Турски борбени авиони соборија дрон „надвор од контрола“ во близина на брегот на Црното Море
Турција собори беспилотно летало „надвор од контрола“ кое се приближувало до нејзиниот воздушен простор над Црното Море, соопшти во понеделник Министерството за одбрана. Инцидентот се случува по украинските напади врз руските танкери од „флотата во сенка“ покрај турскиот брег и предупредувањата од турските политичари за опасностите од ширење на војната во Украина, објави АП њуз.
Министерството во соопштението наведува дека борбените авиони Ф-16 биле испратени по откривањето на објектот. „За да се избегне каква било потенцијална штета, тој бил соборен во безбедна зона надвор од населените области“, се додава во соопштението. Во соопштението не се дадени дополнителни детали за локацијата или времето на инцидентот.
Украина соопшти дека нејзините поморски беспилотни летала погодиле два танкери на 28 ноември, додека трет брод бил погоден на 2 декември додека се движел кон турското пристаниште Синоп. Турскиот претседател Реџеп Таип Ердоган ги осуди претходните напади како закана за „безбедноста на навигацијата, животите и животната средина, особено во нашата ексклузивна зона“.
Свет
Лукашенко: Мадуро е добредојден во Белорусија ако ја напушти функцијата
Белорускиот претседател Александар Лукашенко изјави дека венецуелскиот претседател Николас Мадуро би бил добредојден во Белорусија доколку ја напушти функцијата, но дека за ова прашање не е разговарано со Мадуро, според цитат од интервју за американскиот новински канал Newsmax објавен во понеделник на канал на Телеграм поврзан со администрацијата на Лукашенко.
Тензиите се зголемија меѓу САД и венецуелската влада, при што САД распоредија воени сили во јужниот дел на Карибите, напаѓајќи бродови за кои се тврди дека носат наркотици.
Закани за воена интервенција
Американскиот претседател Доналд Трамп навести дека наскоро може да започне копнени операции во Венецуела.
Венецуелската влада вели дека САД бараат промена на режимот за да ги преземат огромните нафтени резерви во земјата.
Притисокот од САД речиси го парализира извозот на венецуелска нафта од минатата недела, при што само танкерите изнајмени од „Шеврон“ што носат венецуелска сурова нафта во САД отпловиле со претходно одобрение од Вашингтон, покажуваат записите.
Свет
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти насип по една недела континуирани и обилни дождови. Наредбата на округот Кинг се однесува на домовите и бизнисите во делови од Кент, Обрн и Туквила, источно од реката Грин.
Во исто време, Националната метеоролошка служба (NWS) издаде предупредување за ненадејни поплави за речиси 47.000 луѓе. Пробивањето на насипот се случи по една недела рекордно високи нивоа на водата, што веќе предизвика масовни евакуации.
Рекордните врнежи од дожд предизвикуваат хаос
Невообичаено моќен временски систем, познат како „атмосферска река“, донесе повеќе од 30 сантиметри дожд, зголемувајќи го нивото на реките низ целата држава, сè до канадската граница, на опасни нивоа. Бројни лизгања на земјиштето опустошија населени подрачја, уништувајќи домови и оставајќи семејства заробени на покривите додека чекаа да пристигнат спасувачките екипи.

