Свет
„Хитроу“ го претстави новиот транспортен систем
Лондонскиот мега-аеродром неделава ја претстави новата форма на транспорт која изгледа како излезена од научната фантастика од средината на минатиот век: персонални транзитни вагони без емисии на штетни гасови и кој се движат на батерии.
Лондонскиот мега-аеродром неделава ја претстави новата форма на транспорт која изгледа како излезена од научната фантастика од средината на минатиот век: персонални транзитни вагони без емисии на штетни гасови и кој се движат на батерии.
Наместо да чекаат на аеродромскиот транспорт, патниците со новиот систем ќе можат да скокнат во некој од вагоните, кои минуваат на секои 34 секунди и кои патуваат на шини, сместени помеѓу терминалите и паркинзите.
Патниците преку „тач-скрин“ ќе впишуваат саканата дестинација и секој од 21-от вагон, кои можат да соберат четири патници со багаж, преку ласерски команди ќе пристигне на бараното место во просек десет минути побргу, отколку аеродромските автобуси, најмногу поради тоа што го одбегнуваат сообраќајот на улиците околу Хитроу.
Системот е дизајниран и изработен од фирмата ULTra, која е во сопственост на поранешен инженер во НАСА. Персоналниот брз транзит (ПРТ) чинеше 30 милиони фунти и се очекува да замени околу 50.000 патувања со автобус.
Иако ова е прв ваков систем изработен од ULTra, тие веќе преговараат со индиските покраински влади ваков систем да биде воведен и на аеродромите во Делхи и во Амритсар. Исто така, постои голема веројатност ПРТ системите да бидат инсталирани и во Рајли во американската сојузна држава Северна Каролина и во новиот кампус на Apple во Купертино, Калифорнија.
Каде ќе биде инсталиран наредниот ваков систем, компанијата ќе соопшти на почетокот на октомври. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.