Свет
Ештон се сомнева во стремежите на Израел да ги продолжи преговорите со Палестинците

Израелската одлука да се продолжи со изградбата на доселенички населби во источен Ерусалим, фрла сомнеж врз посветеноста на Израел за продолжување на директните разговори со Палестинската национална автономија (ПНА), изјави шефот на дипломатијата на ЕУ, Кетрин Ештон.
Израелската одлука да се продолжи со изградбата на доселенички населби во источен Ерусалим, фрла сомнеж врз посветеноста на Израел за продолжување на директните разговори со Палестинската национална автономија (ПНА), изјави шефот на дипломатијата на ЕУ, Кетрин Ештон.Во вторникот Израел најави дека планира да изгради 1.100 домови во областа Гило на западниот брег од реката Јордан. „Активностите со доселениците се закануваат за опстанокот на одлуката за формирање две држави, и ги покренува прашањата во врска со изјавите за посветеноста на Израел за продолжување на преговорите“, се наведува во писмената изјава на Ештон што ја цитира РИА Новости. Шефицата на дипломатијата на Европската унија ги повика израелските власти да се откажат од проширувањето на еврејските населби во источен Ерусалим.Палестинскто раководство одбива да се врати на директните преговори со Израел сé додека Тел Авив не се согласи со принципот на преговори меѓу две држави, Палестина и Израел, во границите кои постоеле пред арапско-израелската војна од 1967 година. Палестинската страна, исто така, бара еврејската држава да престане со подигнувањето на доселеничките населби на окупираниот Западен брег и во источен Ерусалим.Израел, пак, одбива да се врати во рамките на границите од 1967 година и не прифаќа поделба на Ерусалим со Палестинците, прогласувајќи го градот за своја „вечна и неподелена престолнина“.Советот за безбедност при Обединетите нации во среда ќе го разгледува барањето за полноправно членство на Палестина во светската организација. Барањето за прием на Палестина во ОН беше предадено во Советот за безбедност минатата седмица во текот на 66-та седница на Генералното собрание на ОН, од страна на палестинскиот претседател Махмуд Абас кој барањето му го врачи на Генералниот секретар на светската организација, Бан Ки-Мун,/крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Рубио за Путин: Трамп нема да чека вечно

Американскиот државен секретар Марко Рубио изјави дека администрацијата на претседателот на Соединетите Американски Држави, Доналд Трамп, го губи трпението со рускиот претседател, Владимир Путин, во врска со завршувањето на војната во Украина.
„Она што најмногу го мачи претседателот се овие одлични телефонски разговори каде што сите велат, знаете, би сакале да завршиме со ова и да најдеме начин да продолжиме напред. Потоа тој ги вклучува вестите и гледа како уште еден град е бомбардиран“, изјави Рубио за „Фокс њуз“.
Тој додаде дека САД истражуваат нови начини за постигнување напредок во мировните преговори, но предупреди дека трпението на Трамп „истекува“.
„Досега, барем како што го перцепираме, немаше искрен интерес од руска страна за постигнување на таа цел. Но, очигледно е дека претседателот нема да чека вечно“, заклучи Рубио.
Во вторникот, Трамп му даде на Путин 10 дена да се согласи на договор за прекин на огнот или ќе се соочи со нови, сурови санкции.
Фото: принтскрин
Свет
Дали се укинува сезонското поместување на часовникот- рестартиран процесот во ЕУ

Европската комисија објави дека ќе почне нова анализа во врска со укинувањето на сезонското поместување на времето, што претставува прв институционален чекор на оваа тема од 2019 година.
Оваа одлука е донесена на иницијатива на Полска, која моментно претседава со Советот на ЕУ, и на барање на одделни членови кои сакаат дополнително разгледување на оваа тема. Со ова се рестартира процес што е застојан со години, пренесуваат медиумите во регионот.
Како одговор на пратеничко прашање, европскиот комесар Апостолос Цикикостас рече дека Комисијата активно соработува со претседателствата на Советот и со земјите членки со цел да се разгледаат следните чекори, објавува N1.
„Комисијата на ЕУ одлучи да одговори на поканата на една членка и да спроведе дополнителна анализа. Според тоа, се очекува студијата да почне во 2025 година“, изјави Цицикостас во писмен одговор.
Уште во 2019 година Европскиот парламент усвои предлог за укинување на практиката на поместување на часовникот двапати годишно, но законот не стапи во сила бидејќи не беше постигнат договор меѓу членовите. Главното прашање останува – дали трајно да се остане на зимско или на летно сметање на времето.
Студијата што ќе се спроведе треба да ги испита сите последици и изводливоста на секоја промена. Нејзините резултати би можеле да влијаат на продолжувањето на законодавниот процес, а прелиминарните наоди се очекуваат најрано во 2026 година.
Свет
(Видео) Наезда од скакулци во Украина: „Последица на војната“

Наезда од скакулци ја уништува јужна и источна Украина загрозувајќи ги посевите во регионите Запорожје, Днепар, Херсон и Одеса.
Експертите го поврзуваат ова со климатските промени и катастрофата на браната „Каховка“.
A locust outbreak is sweeping through southern and eastern Ukraine, threatening crops in Zaporizhzhia, Dnipro, Kherson, and Odesa regions. Experts link it to climate change and the Kakhovka dam disaster.
🎥 Watch more in the NV video below pic.twitter.com/3PDJcVRsha
— The New Voice of Ukraine (@NewVoiceUkraine) July 28, 2025
Висок украински функционер за масовната појава на скакулци ја обвинува руската инвазија. Во разговор за украински новински портал, Вадим Чајковски, заменик-директор на Државната служба за безбедност на храната и заштита на потрошувачите, истакна дека скакулците станаа значаен проблем во областите погодени од војната во Украина од почетокот на руската агресија во 2022 година.
„Ова е последица на војната“, нагласи Чајковски. „Напуштените земјишта по линијата на фронтот и уништувањето на хидроцентралата ‘Каховка’ создадоа идеални услови за нивно размножување“, рече тој.
Чајковски го издвои резервоарот „Каховка“ како извор на наезда од скакулци. Во 2023 година руските сили срушија брана, што доведе до сушење на резервоарот и создавање соодветно живеалиште за овие инсекти. „Сакам да нагласам дека рускиот екоцид е главната причина за оваа инвазија“, додаде Чајковски. „Намалувањето на коритото на реката Днепар во јужните региони создаде идеални живеалишта за скакулци, речни брегови и напуштени области. Изобилството на такво земјиште, особено минираните области, им оневозможува на цивилите да се борат против овие штетници“, додаде тој.
Фото: принтскрин