Европската унија е соочена со најголемиот предизвик во својата историја и тие може да се надминат со натамошна интеграција и комбинација на дисциплината и солидарноста, изјави во средата претседателот на Европската комисија, Жозе Мануел Баросо.

Европската унија е соочена со најголемиот предизвик во својата историја и тие може да се надминат со натамошна интеграција и комбинација на дисциплината и солидарноста, изјави во средата претседателот на Европската комисија, Жозе Мануел Баросо. „Денес сме соочени со најголемиот предизвик во историјата на Европската унија. Соочени сме со финансиската, стопанската и социјалната криза, но и со криза на довербата каква што немавме пред неколку децении’, изјави Баросо на пленарната седмица на Европската комисијата во Стразбур во својот говор посветен на состојбите во Унијата. Првпат ваков говор за ситуацијата во ЕУ, Баросо имаше минатата година, а ја воспоставува по угледот на говорите на американските претседатели за ситуацијата во нацијата. Баросо изјави дека треба да се отфрлат „илузиите дека е можно да се има заедничка валута и единствен пазар“ а да се задржува на овој степен на интеграција. Тој додаде дека европското стопанство загуби од својата конкурентност, како и дека некои земји членки живееле над своите можности. Првиот човек на Европската комисија смета дека ЕУ се наоѓа на историска пресвртница и дека без идни интеграции ќе се соочи со фрагментација. На Унијата и’ се заканува опасноста од фрагментирањето бидејќи популистите и националистите ја ползуваат кризата за да го доведат во прашање нејзиното најголемо достигнување, смета Баросо. „Ситуацијата е тешка, но постои решение“, истакна Баросо, додавајќи дека за тоа е потребно политичко водство. Баросо смета дека должничката криза може да се надвладее со комбинација од стабилност, односно со буџетска дисциплина и средување на јавните финансии, на што најмногу инсистира Германија, како и со мерките кои обезбедуваат стопански раст којшто го бараат земјите кои се наоѓаат во финансиски тешкотии. „Нам ни се потребни и стабилност и раст. Ни треба солидарност и одговорност“, рече Баросо. Тој додаде дека е исклучено исфрлањето или излегувањето на Грција од еврозоната, што беше многу често споменувано последната седмица. „Грција е и ќе остане во еврозонта“, рече претседателот на Европската комисија, додавајќи дека Грција мора да ги исполни обврските коишто ги презема – да го доведе буџетскиот дефицит во прифатливи рамки, а дека нејзините европски партнери ќе и дадат поддршка сé додека не може самата да се финансира на финансиските пазари. Баросо најави дека ЕК за неколку седмици ќе ги претстави предлозите за евро-обврзници, што ќе овозможи евтино задолжување на послабите земји членки, бидејќи зад нив стојат стопанствата на посилните земји. „Комисијата за неколку седмици ќе ги претстави предлозите за воведувањето на тие обврзници на стабилноста. Некои од тие опции ќе може да се воведат во постоечкиот Лисабонски договор, а за вистинските евро-обврзници ќе треба да се промени договорот“, рече Баросо. На воведувањето евро-обврзници се спротиставува Германија, којашто стравува дека со тоа би можело уште повеќе да се поттикне неодговорното задолжување на некои од земјите членки на ЕУ. Затоа Баросо истакна дека обврзниците мора да бидат осмислени, така да се наградуваат оние коишто ги почитуваат правилата, а дека не се прифатливи за оние коишто не се придржуваат до заедно договорените правила. „Кога еврозоната ќе ги добие инструментите кои обезбедуваат од една страна интеграција, а од друга дисциплина, емисијата на заедничките обврзници ќе биде сосема природно и на сите ќе им донесе полза“, рече Баросо.Тој во својот говор ги имаше предвид критиките кои последните денови пристигнуваа од страна на европските пратеници, дека ЕК ја загубила иницијативата во напорите за решавање на финансиските и должничките кризи и дека им ја препуштил ана земјите членки. Дури, беше споменувана и идејата да се предложи изгласување на недоверба на Баросо. Баросо, во својот говор, го отфрли предлогот економска влада на еврозоната да ја сочинуваат лидерите на земјите членки, што ова лето го предложија германската канцеларка Ангела Меркел и францускиот претседател Николас Саркози. Тој се зазема за федералистичкиот пристап во кој главниот збор ќе го имаат националните институции а ЕУ, а не за пристап во кој главниот збор го водат земјите членки и кој подразбира да се одлучува едногласно. „Не е добро најбавно да се доредува ритамот на сите други. Ако една држава не сака поцврсти интеграции, тогаш нема право да ги блокира другите кои тоа не го сакаат“, нагласи Баросо.„Европската комисија е економска влада на Унијата и затоа нам не ни се потребни нови институции. Сега нам најмногу ни се потребни повеќе отколку кога и да е независна комисија. Владите не може да го решат тоа, тоа не може да се реши со договорот меѓу владите земји на членките“, дополни претседателот на ЕК./крај/хи/сн