Свет
Германскиот парламент го поддржа фондот за спасување на еврозоната

Германскиот парламент во четвртокот со големо мнозинство гласови ги одобри новите проширени овластувања за кризниот фонд на еврозоната, кој би требало да располага со 440 милијарди евра за потребите на спасување на задолжените земји членки.
Германскиот парламент во четвртокот со големо мнозинство гласови ги одобри новите проширени овластувања за кризниот фонд на еврозоната, кој би требало да располага со 440 милијарди евра за потребите на спасување на задолжените земји членки. Заменикот на претседателот на парламентот, Волфганг Тиерсе изјави дека 523 пратеници од долниот дом гласале „за“ новиот закон, додека само 85 биле „против“, а само три пратеника се воздржале од гласањето.Сепак сé уште не се знае дали канцеларката Ангела Меркел добила доволен број гласови од својата коалиција и со тоа да ги замолчи незадоволниците кои стравуваат дека Германија ќе мора да ги финансира сите пропаднати економии, како грчката, на пример.Поддршката од опозицијата значи дека не постојат повеќе сомневања во тоа дали Германија ќе ги одобри овластувањата на Европскиот фонд за финансирање на стабилноста (ЕФСФ). Овие проширени овластувања веќе ги ратификуваа некои земји, како што е Финска, но некои други, како на пример Словачка, сé уште ги оспоруваат.Доколку произлезе дека предлог-законот минал поради поддршката од опозицискиот лев центар, тоа ќе ги поткопа намерите на конзервативната канцеларка да донесе нови мерки за борба против кризата во еврозоната. Европскиот фонд за финансиска стабилност располага со 440 милијарди евра за потребите за спасување на задолжените земји членки. Со него би требало да се спречи ширењето на должничката криза на целата еврозона.Новите овластувања за Фондот за кои челниците на еврозоната се договорија на вонредниот самит на 21-ви јули, мора да ги одобрат сите 17 членки на еврозоната, за да може да тапат на сила. Гласањето во Германија се сметаше за особено важно, бидејќи оваа држава би требала да обезбеди 2111 милијарди евра, што е речи половината од вкупните средства со кои ќе располага ЕФСФ.Досега договорот го ратификуваа десет членки, Белгија, Франција, Грција, Ирска, Италија, Луксембург, Португалија, Шпанија, Словенија и Финска. Во петок за ратификација ќе се гласа во Австрија. Кипар ќе гласа идната седмица, а другите членки на еврозоната Естонија, Малта, Холандија и словачка ќе гласаат во октомври./крја/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Трамп: Путин не беше задоволен што дојде во САД, тоа беше неговата голема отстапка, му благодарам

Американскиот претседател Доналд Трамп денес на прес-конференцијата во Белата куќа изјави дека рускиот лидер Владимир Путин не е задоволен што доаѓа во САД, но дека потегот е голема отстапка. „Путин не беше задоволен што дојде во САД. Тоа беше голема отстапка и му се заблагодарувам за тоа“, рече Трамп.
Тој додаде дека ги продолжил разговорите со рускиот претседател по состанокот во Алјаска.
President Trump:
Putin wasn't happy about coming to the United States. That was a big concession, and I appreciate the fact that he did. pic.twitter.com/OGD1LG8aVV
— Anton Gerashchenko (@Gerashchenko_en) August 25, 2025
„Да, сум го направил тоа“, одговори тој кога новинарите го прашаа дали повторно го контактирал Путин.
„Секој разговор со него е добар разговор. А потоа, за жал, бомба паѓа врз Киев или некаде на друго место и многу се лутам“, рече Трамп.
Потпретседателот на САД, Џ.Д. Венс, вчера изјави дека Русија направила „значајни отстапки“ кон евентуален мировен договор.
„Тие препознаа дека нема да можат да инсталираат марионетски режим во Киев“, рече Венс во емисијата „Meet the Press“ на NBC. Тој додаде дека Москва, исто така, ја прифатила идејата за безбедносни гаранции за Украина од идна агресија.
И покрај ова, извори минатата недела за Ројтерс изјавиле дека Путин сè уште бара Украина да го предаде целиот Донбас, да се откаже од членството во НАТО, да остане неутрална и да не дозволи западни трупи да бидат распоредени на нејзина територија, во замена за прекин на офанзивата. Рускиот министер за надворешни работи Сергеј Лавров рече дека безбедносните гаранции треба да бидат надгледувани од група земји, вклучувајќи ги и постојаните членки на Советот за безбедност на ОН.
Минатиот петок, по разговорите со Путин во Алјаска и самитот во Белата куќа со Зеленски и европските лидери, Трамп се закани со нови санкции против Русија ако не се постигне напредок во рок од две недели.
„Тој се обидува јасно да стави до знаење дека Русија може да се врати во светската економија ако го запре убивањето, но ќе продолжи да биде изолирана ако не го стори тоа“, рече Венс.
Потпретседателот ја наведе како пример неодамнешната одлука на Трамп да воведе дополнителни тарифи од 25 проценти на индиските стоки за купување руска нафта, истакнувајќи дека тоа е модел на економска моќ што може да се користи и против Москва.
Фото: принтскрин
Свет
Макрон: Израелските напади врз болница во Газа не можат да се толерираат

Францускиот претседател Емануел Макрон денес изјави дека израелските напади врз болница во Газа, кои предизвикаа смрт на цивили и новинари, се неприфатливи.
Макрон напиша на платформа X дека цивилите и новинарите мора да бидат заштитени во сите околности.
„Медиумите мора да можат слободно и независно да ја извршуваат својата мисија да известуваат за конфликти“, рече Макрон, повикувајќи го Израел да го почитува меѓународното право.
Тој истакна дека целта е да се постигне траен прекин на огнот во Појасот Газа, ослободување на сите преостанати заложници што ги држи Хамас и разоружување на таа палестинска милитантна група, како и испорака на хуманитарна помош во Газа.
Палестинските здравствени претставници објавија дека најмалку 20 лица се убиени во израелскиот напад врз болницата Насер, вклучувајќи пет новинари, спасувачи и здравствени работници, пренесува Танјуг.
Фото: принтскрин
Свет
Сакс: Европа треба да ги нормализира односите со Русија

Европските земји треба да ги нормализираат односите со Русија, што е во согласност со нивните национални интереси, изјави Џефри Сакс, директор на Центарот за одржлив развој на Универзитетот Колумбија во Њујорк.
„Ѝ реков на Европа: обединете се дипломатски и водете нормална дипломатија со Русија. Разговарајте, преговарајте и не зависете од САД, кои имаат сосема различни интереси, во овој поглед“, рече Сакс во интервју за „Хиндустан Тајмс“.
Сакс истакна дека Европа, особено Германија, има успешно искуство во економските односи со Русија.
„По 1991 година, Русија ја снабдуваше Германија со јаглеводороди, што му овозможи на Берлин да ја изгради својата тешка индустрија. Сепак, германската енергија повеќе не е во предност“, рече Сакс.
Според него, постојат бројни причини за европската политика на конфликт со Москва, од кои главната е што САД активно манипулираа со политичката средина во Европа со децении и сакаа да ја ограничат соработката на европските земји со Русија.
„Вториот фактор е моменталната русофобија. Сите мислат дека Русија ќе ја нападне Европа, што е најапсурдна идеја“, вели Сакс.
Тој додаде дека ваквите загрижености само ја зголемуваат зависноста на европските земји од американската воена помош.
Претседателот на Финска, Александар Стуб, претходно изјави дека во Европа се водат преговори за потенцијално продолжување на комуникацијата со Русија.
Унгарскиот премиер Виктор Орбан ги покани лидерите на европските земји, првенствено Германија и Франција, да одржат самит со Русија.
Министерот за надворешни работи на Шпанија, Хозе Мануел Албарес, призна дека Европа ја разбира потребата од обновување на односите со Москва.
Фото: принтскрин