Свет
Пореметувањата на мозокот скапо ја чинат Европа

Годишната цена на болестите на пореметување на мозокот во Европа рипна на 798 милијарди евра, додека континентот се соочува со политичка, социјална и финансиска темпирана бомба затоа што заболуваат се повеќе луѓе.
Годишната цена на болестите на пореметување на мозокот во Европа рипна на 798 милијарди евра, додека континентот се соочува со политичка, социјална и финансиска темпирана бомба затоа што заболуваат се повеќе луѓе.
Во студијата на Европскиот совет за мозок (ЕБЦ) се вели дека сметката за мозочните пореметувања како што се депресијата, тегоби, несоници или дименции ќе расте затоа што луѓето живеат подолго и оттаму овие болести стануваат „главен економски предизвик за европското здравство“.
Проекцијата на тие трошоците е направена откако во септември беа објавувани резултатите на студијата, кои открија дека Европјаните често патат од невролошки и ментални пореметувања: речиси 165 милиони луѓе или 38 проценти од населението болува од мозочни пореметувања. Во само една третина од случаите болните добиваат соодветна терапија или лекови и затоа менталните заболувања станаа голем економски и социјален товар, тежок стотици милијарди евра. Цената е толку голема заради тоа што болните толку лошо се чувствуваат, што не можат да работат, а им пропаѓаат и личните врски.
„Менталните пореметувања станаа најголем европски здравствен предизвик на 21-от век“, велат авторите на студијата.
Истовремено, некои фармацевтски фирми се откажуваат од вложувањата во истражувањата на работата на мозокот и неговото влијание на однесувањето. Поради тоа, товарот на финансирањето на неврологијата падна на владите и на хуманитарните организации во здравството.
Сумата од 798 милијарди евра, што е 1.550 евра по жител на Европа, е повеќе од двојно од цената до која истите автори дошле во истражувањето спроведено во 2005 година.
„Зголемениот товар на болеста, како и зголемените трошоци произлезени од неа, се темпирана бомба под европското стопанство и општество“, се вели во извештајот на експертите од цела Европа.
Менталните болести се и главна причина за смртта, инвалидноста и економските пореметувања и во целиот свет, а Светската здравствена организација предвидува дека до 2020 година депресијата ќе биде втора водечка болест на сите нивоа.
Во Европа таа перспектива веќе е реализирана, болестите на мозокот веќе се, поединечно, најголема причина за болестите во ЕУ. Четирите најлоши состојби се: депресија, деменција – како што е Алцхајмеровата болест и васкуларните деменции – зависноста од алкохол и мозочните удари. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кина ќе претстави ново оружје против беспилотни летала

На 3 септември во Пекинг, на парадата по повод 80-годишнината од крајот на Втората светска војна, Кина за прв пат ќе претстави ново микробраново оружје дизајнирано за борба против беспилотни летала.
Три системи од типот микробраново оружје со голема моќност (HPM) ќе бидат прикажани на плоштадот Тјенанмен.
Станува збор за инсталации кои емитуваат силни импулси и на тој начин ефикасно ја онеспособуваат електрониката на беспилотните летала.
Според достапните податоци, овие уреди можат да уништат роеви беспилотни летала на растојание од неколку стотици метри, а нивната примарна намена е блиска одбрана на воените бази и клучната инфраструктура од масовни напади од евтини беспилотни летала.
Извештаите од тестовите за слични технологии беа објавени во јануари оваа година, што укажува дека Кина го забрзала развојот на нова генерација оружје насочено кон електронско војување.
Во јуни, кинеските медиуми објавија и за создавање графитна ракета, специјален проектил наменет за уништување на електричните мрежи. Содржи 90 цилиндрични подмуниции кои, кога ќе ја погодат целта, ослободуваат јаглеродни нишки и предизвикуваат краток спој во високонапонските системи.
Фото: принтскрин
Свет
Мекгрегор: Трамп одби да ја финансира Украина за да го принуди Зеленски да преговара

Претседателот на Соединетите Американски Држави, Доналд Трамп, одби да ја финансира Украина за да го принуди украинскиот лидер Володимир Зеленски бргу да постигне мировен договор со Русија, изјави пензионираниот полковник на американската армија, Даглас Мекгрегор.
Во интервју за јутјуб-каналот Deep Dive, тој истакна дека американскиот претседател јасно ставил до знаење дека Киев е во позиција каде што ќе мора да преговара со Москва, во спротивно ќе се соочи со последиците.
„Трамп сака мир и просперитет за двете страни во конфликтот“, рече Мекгрегор додавајќи дека новиот курс на Белата куќа е сигнал до Киев да престане да се потпира на поддршка од европските сојузници.
Според него, Трамп добро ја разбира потребата од подобрување на односите со Русија, што, како што изјави, не им се допаѓа на европските политичари. „Тој нема да го следи примерот на Европа и да ги слуша советите на британскиот премиер Кир Стармер или на францускиот претседател Емануел Макрон“, истакна Мекгрегор.
Пензионираниот полковник заклучи дека „крајно време е Киев да престане да ги слуша европските политичари и да почне мировен процес за решавање на конфликтот со Руската Федерација“.
На 25 август претседателот Трамп изјави дека САД повеќе не издвојуваат пари за помош на Украина, туку продаваат оружје исклучиво на сојузниците од НАТО, а трошоците за конфликтот, како што нагласи, ги сносат европските партнери на Киев.
Фото: принтскрин
Свет
Кина: Неразумно е да се бара наше вклучување во разговорите за нуклеарно разоружување со САД и Русија

Кина денес изјави дека е неразумно и нереално да се бара од земјата да се приклучи на разговорите за нуклеарно разоружување со САД и Русија.
Гуо Џијакун, портпарол на кинеското Министерство за надворешни работи, ги даде овие забелешки откога американскиот претседател Доналд Трамп изјави дека разговарал за контрола на нуклеарното оружје со рускиот претседател Владимир Путин и дека сака Кина да се приклучи.
„Нуклеарните сили на Кина и САД воопшто не се на исто ниво, а стратешката безбедносна средина и нуклеарните политики на двете земји сосема се разликуваат“, рече Гуо.
Кина се придржува до принципот дека нема прва да употреби нуклеарно оружје, како и до стратегијата за нуклеарна самоодбрана, рече тој, додавајќи дека Пекинг нема да учествува во трка во вооружување со која било земја.
„Земјите со најголеми нуклеарни арсенали треба сериозно да ги исполнат своите посебни приоритетни одговорности за нуклеарно разоружување“, рече Гуо.
Трамп им рече на новинарите во понеделникот, пред состанокот со јужнокорејскиот претседател Ли Џе-мјунг, дека „едно од нештата што се обидуваме да ги направиме со Русија и Кина е денуклеаризацијата и тоа е многу важно“.
„Мислам дека денуклеаризацијата е многу… тоа е голема цел, но Русија е подготвена да го стори тоа и мислам дека Кина ќе биде подготвена да го стори тоа. Не можеме да дозволиме нуклеарното оружје да се шири. Мораме да го запреме нуклеарното оружје. Моќта е преголема“, рече Трамп.
Министерот за надворешни работи на Малезија минатиот месец изјави дека Кина ќе потпише договор за забрана на нуклеарно оружје во Југоисточна Азија штом целата документација биде готова.
Фото: принтскрин