Свет
Визионерот Стив Џобс почина на 56 години (проширена)
Незавршен студент и посвоено дете, човекот кој го смени светот на технологијата во 1970-те години и повторно во 2000-те години , коосновачот на една од најмоќните компјутерски компании во светот, Apple, Стив Џобс, почина денеска на 56-годишна возраст.
Незавршен студент и посвоено дете, човекот кој го смени светот на технологијата во 1970-те години и повторно во 2000-те години ги измисли компјутерите, мобилните телефони и начинот на слушање на музика, коосновачот на една од најмоќните компјутерски компании во светот, Apple, Стив Џобс, почина денеска на 56-годишна возраст.
Стив Џобс умрел тивко, опкружен со својата сопруга и потесното семејство во неговата куќа во Пало Алто во Калифорнија.
Apple изгуби лидер-визионер, кој беше инспирација за создавањето на персоналните компјутери и иконските производи како што се iPod, iPhone и iPad, што го издигна Џобс на пиедесталот на најзначаен лидер на индустријата на неговата генерација.
Неговата смрт, по седум годишната борба со ретката врста на рак на панкреасот, покрена цел порој од последни поздрави кои ги обединија светските лидери, деловните ривали и обичните луѓе во жалењето по неговата прерана смрт и во прославата на неговите монументални постигнувања.
„Светот изгуби визионер. И можеби не постои поголема почит кон успехот на Стив од фактот дека најголемиот дел од светот дозна за неговата смрт на направата која тој ја измисли,“ вели американскиот претседател Барак Обама во својата изјава.
Неговите обожуватели му ја дадоа последната почит пред продавниците на Apple ширум светот. Пред една од тие продавници во Њујорк, натажените оставиле свеќи, букети цвеќе, но и едно јаболко (Apple – јаболко) и еден iPod Touch.
Во Сан Франциско корисниците на производите кои тој ги измисли масовно ставија негова црно-бела фотографија на екраните на своите технолошки миленичиња. Во Токио се одржаа бдеење на зајдисонце, со апликации на свеќи кои треперат на своите телефони и помагала. Огромен број на интернет страници, вклучувајќи и таа на Apple (која е целата претворена во црно-бела фотографија со краток напис: Стив Џобс, 1955 – 2011) се претворија во он-лајн меморијали. Пребарувачот Googleна својата главна страница додаде и посебен линк кон страницата на Apple.
„За оние од нас кои ја имаа среќата да работат со него, тоа беше ненормално голема чест“, изјави коосновачот на Microsoft Бил Гејтс, кој во еден период триумфираше над Џобс, но во последните години беше повторно ставен во сенка од неговиот легендарен деловен ривал.
Џобс даде оставка на местото Извршен директор на Apple во август годинава и уздите му ги предаде на долгогодишниот оперативен директор Тим Кук. Сo страст за минималистички дизајн и гениј за маркетинг, Џобс ги постави темелите врз кои неговата компанија ќе може да продолжи да се развива и по неговата смрт.
Но, според многумина аналитичари, Apple сега се соочува со огромни предизвици, а повеќе не со нив нивниот долгогодишен шеф, кој беше и главен дизајнер на производите, маркетинг гуру и трговец на кој му немаше рамен. Сега телефоните кои го користат Android софтверот на Google се повеќе го преземаат пазарот, а никој не знае, ниту кажува каква голема идеја се подготвува да излезе од производните линии на Apple.
Легендарен претприемач
Џобс беше посвоено дете, а и се откажа од студирање, но од корен го смени светот на технологијата со создавањето на првиот персонален компјутер кон крајот на 1970-те години, Apple II, кој привлече огромен број на приврзаници. Тој повторно постигна огромен успех во 1984 година со Macintosh, изграден врз најновите технологии развиени од компанијата Xerox Parc и од други компании, со што го промовираше персоналното користење на компјутерите какво што го гледаме денеска.
Бунтовничката жичка, која беше негова главна карактерна особина, го доведе до тоа да биде избркан од сопствената компанија во 1985 година, но се врати – по многу долго убедување – во 1997 година и по неколку години на светот му ја претстави „тројката“ производи – iPod, iPhone и iPad – кои повторно предизвикаа револуција во областа на информатичката технологија.
Дијагнозата на редок вид на рак на панкреасот во 2004 година само накратко го подзастана Џобс, но тој продолжи со истиот елан, тврдејќи дека тој вид на рак се лечи. Но, неговото здравје бргу се влошуваше во годините кои следеа и по две подолги отсуства од работа, тој во август си поднесе конечна оставка на својата функција.
Неговата здравствена состојба беше контроверза повеќе години. Исклучително приватен човек, тој својата вистинска состојба ја криел дури и од неговите најблиски соработници во компанијата.
Неговата смрт дојде на само еден ден откако неговата замена Тим Кук на гала презентација (маркетиншки трик промовиран повторно од Стив Џобс) го претстави новиот iPhone 4c, кој доби многу млаки критики, особено поради тоа што не претставува технолошки скок каков што јавноста се навикна да очекува од Apple.
Џобс, со неговиот карактеристичен стил на облекување, фармерки и црна ролка, беше срцето и душата на компанијата, која се бори со Exxon Mobil за местото највредна компанија во САД. Според специјализираниот магазин Forbes, нето богатството на Џобс изнесува седум милијарди долари. Не се знае како ќе биде поделен неговиот имот.
Стив Џобс е роден во Сан Франциско, а компанијата Apple ја покрена во 1976 година со својот другар Стив Вознијак во гаражата на своите родители.
Покрај величенствените пронајдоци, Стив Џобс во јавноста ќе остане запаметен и по својот говор во 2005 година на Универзитетот Станфорд, во кој тој истакна дека неговото соочување со сопствената смртност било главен двигател на неговата визија.
„Сфаќајќи дека наскоро ќе бидам мртов е најважното орудие ко еми помогна да ги донесам големите одлуки во мојот живот. Затоа што речиси се – сите надворешни очекувања, сета гордост, сиот страв од посрамување или неуспех – сите овие нешта едноставно исчезнуваат кога сте соочени со смртта, оставајќи го само она што е навистина битно. Сфаќањето дека ќе умрете е најдобриот начин што го знам за да се одбегне замката на мислењето дека имате многу да загубите. Веќе сте соголени. Повеќе не постои причина да не си го следите срцето“, рече во својот легендарен говор Стив Џобс. /крај/reuters/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Изнајмувач на Airbnb со вештачка интелигенција креирал штети во станот и барал 12.000 фунти отштета од станарката
Жена од Лондон добила извинување и поврат на средства од речиси 4.300 фунти од компанијата Airbnb, откако домаќин во Њујорк лажно ја обвинил дека предизвикала штета од над 12.000 фунти, пренесува Гардијан. Тој приложил фотографии како наводен доказ, кои, според жената, биле создадени со вештачка интелигенција.
Жената го резервирала еднособниот стан на Менхетен во Њујорк за два и пол месеци за да остане во него додека студира, но решила да замине порано бидејќи се чувствувала небезбедно во областа.
Кратко по нејзиното заминување, домаќинот поднел жалба до Airbnb, тврдејќи дека направила штета во вредност од над 12.000 фунти. Навел дека искршила масичка за кафе, душекот го извалкала со урина, оштетила робот правосмукалка, софа, микробранова печка, телевизор и клима-уред. Притоа, приложил и фотографии.
Airbnb ѝ соопштил дека, „по внимателен преглед на фотографиите“, треба да му плати 5.314 фунти на домаќинот. Таа поднела жалба и истакнала дека има очевидец, кој може да потврди дека станот бил оставен во уредна состојба. Дополнително, укажала на јасни визуелни несогласувања во фотографиите, што, според неа, укажувало на дигитална манипулација или употреба на вештачка интелигенција, пишува Гардијан.
„Такви несогласувања не се можни на автентични фотографии од ист објект. Тоа требаше да биде веднаш препознаено од Airbnb“, изјавила таа.
Пет дена по обраќањето на Гардијан до Airbnb, компанијата ја прифатила нејзината жалба. Прво ѝ понудиле 500 фунти, а потоа уште 854 фунти, што претставувало помалку од една петтина од вкупната цена на резервацијата. Откако жената одбила, на крајот ѝ била рефундирана целата сума од 4.269 фунти, а негативната оценка што домаќинот ја оставил на нејзиниот профил била отстранета.
„Загрижена сум за другите корисници кои можеби немаат ресурси да се одбранат од вакви измами. Денес е премногу лесно да се фалсификуваат фотографии со помош на вештачка интелигенција. Airbnb мора да има поостри критериуми за проверка“, изјавила таа за Гардијан.
Домаќинот што ја пријавил има статус на „супердомаќин“, што значи дека има искуство и високи оценки од претходни гости. Тој не одговорил на барањата од Гардијан за коментар.
Од Airbnb изјавиле дека не можеле да ја потврдат автентичноста на испратените фотографии и дека домаќинот добил предупредување за кршење на правилата. Доколку повторно добијат слична пријава, тој ќе биде отстранет од платформата.
„Сериозно ги сфаќаме пријавите за штета. Нашиот специјализиран тим ги разгледува сите достапни докази, а одлуките може да се обжалат“, изјавиле од компанијата за Гардијан.
Серпил Хол, директорка за економски криминал при консултантската фирма Baringa, објаснила дека денес е многу лесно да се манипулираат фотографии и видеа. Софтверите за оваа цел се евтини, достапни и лесни за користење.
„Многу компании веќе не ги прифаќаат фотографиите како единствен доказ во спорови“, рекла таа и додала дека „потребни се форензички алатки и системи за откривање измами, за да се потврди нивната веродостојност“.
Европа
Колона долга околу 700 километри забележана на автопат во Франција
Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
Свет
Газа: 169 луѓе починаа од глад, над 320.000 деца се соочуваат со акутна неухранетост
Министерството за здравство во Газа денес објави дека уште седум Палестинци, меѓу кои и едно дете, починале од глад и неухранетост.
Новите смртни случаи, регистрирани во последните 24 часа, го зголемија вкупниот број на смртни случаи поврзани со глад од октомври 2023 година на 169, вклучувајќи 93 деца, се вели во соопштението.
Министерството предупреди дека хуманитарната криза во Газа се влошува и повторно апелираше до меѓународната заедница и хуманитарните организации веднаш да интервенираат за да се стави крај на страдањето и да се достави итна помош, пренесува Анадолија.
Заменик-извршниот директор на УНИЦЕФ, Тед Чајбан, денесka изјави дека Газа се соочува со сериозен ризик од глад и дека она што може да се види на терен е „шокантно“.
„Повеќе од 320.000 мали деца се изложени на ризик од акутна неухранетост. Во стабилизацискиот центар во градот Газа , сретнав акутно неухранети бебиња чии тела беа само кожа и коски. Нивните мајки седеа во близина, очајни и исцрпени. Една мајка ми кажа дека нејзиното тело повеќе не произведува млеко затоа што самата е премногу гладна. УНИЦЕФ прави сè што може за да ја реши ситуацијата – поддржува доење, обезбедува формула за бебиња и лекува деца со тешка акутна неухранетост. Но, потребите се огромни по 22 месеци војна и два месеци блокада, која сега е олеснета, но сè уште има влијание, а помошта сè уште не пристигнува доволно брзо или во потребниот обем“ рече Чајбан.
Тој нагласи и дека повеќе од 18.000 деца се убиени во Газа од почетокот на војната, што е во просек по 28 деца дневно.
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
Честитка од претседателката Сиљановска-Давкова по повод 2 Август, Илинден – Денот на Републиката
Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката. „Илинден е сржта на...
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...
Браќа од Струшко нападнале семејство во возило во кое имало и деца, ја удирале жената со боксови и клоци
Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...
Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија
Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...
Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски
Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...
Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу
Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...
Маркетите да не прават трикови оти ограничувањата може да бидат годишни, не неделни или месечни, порача Мицкоски
Можни се годишни место неделни или месечни ограничувања на маржите за да се заузда растот на цените во маркетите. Премиерот...
Со ретровизорот ја удрил во главата и починала: обвинение за возач што имал слепило, а управувал товарно возило
Основното јавно обвинителство Кавадарци поднесе Обвинителен акт против едно лице за тешки дела против безбедноста на луѓето и имотот во...
Случајот со претседателката на антикорупциската комисија најматен настан за јули, според „Транспаренси“
„Транспаренси интернешнл – Македонија“ го објави редовниот месечен извештај „Бистро – матно“ за јули 2025 година, во кој се евидентирани...
Трамп ја објави листата на нови царини
Претседателот на САД, Доналд Трамп, потпиша извршна наредба со која се воведуваат повисоки царини за десетици земји во целиот свет...
Македонија со царина од 15 отсто
Американскиот претседател Доналд Трамп рано утрово по македонско време објави нови царински стапки. Македонија, доби стапка од 15 отсто, идентична...
Денес, втора седница на Советот за безбедност
Претседателката Гордана Сиљановска-Давкова ја свика втората седница на Советот за безбедност што ќе се одржи денес, 1 август, со почеток...
Во моментот нема активни пожари, надлежните апелираат да се внимава за Илинденските празници
Според податоците на Центарот за управување со кризи (ЦУК), заклучно со 18:00 часот , нема ниту еден активен пожар. Шест...
Автомобил се судри со автобус кај Тетово – тројца загинати, едно дете е повредено
Три лица го загубија животот, а едно дете е повредено во тешка сообраќајна несреќа што попладнево се случи на автопатот...
