Свет
Таен совет во САД составува списоци на луѓе „за отстрел“

Исламските милитанти со американско потекло, како неодамна убиениот Анвар ал-Авлаки, се наоѓаат на листа за убивање или заробување подготвувана од страна на таен совет составен од високи владини функционери, кои потоа го известуваат претседателот.
Исламските милитанти со американско потекло, како неодамна убиениот Анвар ал-Авлаки, се наоѓаат на листа за убивање или заробување подготвувана од страна на таен совет составен од високи владини функционери, кои потоа го известуваат претседателот.
Нема јавни записи за постоењето, за неговите операции и за одлуките кои ги носи овој совет, кој е пододдел на Советот за национална безбедност (НЦС), ниту, пак, постои закон според кој е регулирана неговата работа, тврдат повеќе американски функционери за агенцијата Reuters, но одбиваат да бидат именувани.
Советот стои зад и одлуката да биде елиминиран Авлаки, проповедник на исламскиот милитантизам со блиски врски со ал Каеда, роден во САД. Тој беше убиен во Јемен минатиот месец со беспилотно летало.
Улогата на претседателот на САД во наредувањето и ратификувањето на одлуките да елиминира одреден американски државјанин е многу маглива. Портпаролот на Белата куќа, Томи Виетор, одби да дискутира за што и да било поврзано со овој совет и неговите одлуки.
Овој ироничен пресврт посочува дека претседателот Обама, кој ја водеше кампањата за претседател напаѓајќи ја претераната употреба на извршната власт од страна на неговиот претходник Џорџ Буш во неговата „војна со тероризмот“, сега е под обвинение дека користи слични тактики. Овие тактики вклучуваат тајни законски оправдувања за операциите и недостапни за јавноста проценки на разузнавачките служби.
Американските либерали го осудија нападот врз Авлаки како вонсудско убиство. Конзервативците, пак, го критикуваат Обама поради тоа што одбил во јавноста да биде објавено мислењето на Одделот за правда на САД, кој, наводно, го одобрува убиството. Тие го обвинуваат Обама за дволичност, затоа што инсистирал да се објават документите од ерата на Буш поврзани со техниките за испрашување кои многумина ги поистоветија со мачење, но одбил да се објави оправдувањето за тоа што дозволил да се убие американски жител без неопходниот легален процес.
Мала светлина на работата на овој таен совет фрли демократскиот сенатор, член на Комисијата за разузнавање на американскиот конгрес, Дач Руперсбергер, кога бил запрашан од новинарите за убиството.
„Процесот на носење на одлуката вклучува тоа првин да мине низ НСЦ, потоа, можеби, доаѓа и до претседателот, но НСЦ ја спроведува целата истрага, тие имаат адвокати, средства да спроведат истрага, имаат достава на информации од армијата, а ние сме тука да се осигураме дека се почитуваат меѓународните закони“, вели Руперсбергер.
Информациите за тоа колку е претседателот вклучен во овој процес се различни, едни тврдат дека воопшто не е известен, наводно, со цел да биде заштитен од одговорност, а други дека е информиран за секој одделен случај и ако одбие, целата операција се прекинува.
Други функционери, пак, тврдат дека улогата на претседателот е многу позамрачена отколку што тврди сенаторот. Тие велат дека препораките за тоа кој да се стави на „листата за отстрел“ги носи комисија составена од службеници на НСЦ од среден ранг. Нивната одлука потоа се испраќаат до советот на „првенци“ на НСЦ, кој го одобрува. Советот е составен од различни луѓе од различни области, во зависност од видот на планираната операција.
Советот своите одлуки ги оправдува со тврдењето дека истите се веќе одобрени кога Конгресот ја авторизираше употребата на воена сила против милитантите по нападите од 11 септември 2001 година, а исто така и според меѓународниот закон, ако една зеја се бидува да се одбрани.
Кога треба да се елиминира странски државјанин кој е вмешан во милитантните операции на исламистите, тогаш не се бара посебна одлука ниту од тајниот совет, туку одлуките ги носат самите разузнавачи. /крај/reuters/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел одбива прекин на огнот во Газа поради ослободувањето на американскиот заложник

Израел не се согласил на прекин на огнот ниту на договор со Хамас за ослободување на затвореници, изјави денес израелскиот премиер Бенјамин Нетанјаху, пред очекуваното ослободување на израелско-американскиот заложник Едан Александар.
Извор запознаен со ситуацијата изјави дека ослободувањето на Александар, последниот преживеан заложник со двојно американско државјанство, држен во Газа, се очекува денес, еден ден откако Израел беше информиран за одлуката на Хамас да го стори тоа како гест на добра волја кон претседателот Доналд Трамп.
Ослободувањето, по четиристраните разговори меѓу Хамас, САД, Египет и Катар, би можело да го отвори патот за ослободување на преостанатите 59 заложници што сè уште се држат во Газа.
Но, Нетанјаху рече дека Израел се согласил само да дозволи безбеден премин за Александар и дека неговите сили ќе продолжат со неодамна објавените подготовки за засилување на операциите во Газа.
„Преговорите ќе продолжат под притисок, како подготовка за интензивирање на борбите“, соопшти неговиот кабинет, додавајќи дека воениот притисок го принудил Хамас да го направи ослободувањето.
Неочекуваната вест за разговорите меѓу Хамас и САД дојде непосредно пред закажаното заминување на Трамп во посета на Персискиот Залив, која не вклучува посета на Израел.
Вчера, Хамас соопшти дека разговарал со САД и се согласил да го ослободи Александар, потег што клучните арапски посредници Катар и Египет го нарекоа охрабрувачки чекор кон враќање на преговорите за прекин на огнот во воено разурнатата енклава.
Во соопштението, семејството на Александар им се заблагодари на Трамп и на неговиот специјален пратеник Стив Виткоф, велејќи дека се надеваат дека одлуката ќе го отвори патот за ослободување на преостанатите заложници, од кои се верува дека само 21 е жив. „Апелираме до израелската влада и преговарачките тимови: ве молам не запирајте“, додаде семејството.
Свет
Индија и Пакистан најавија директни преговори, се почитува прекинот на огнот

Воените шефови на Индија и Пакистан денес ќе разговараат за следните чекори по прекинот на огнот со кој се врати мирот на границата среде најжестоките борби меѓу нуклеарно вооружените соседи во речиси три децении.
Немаше извештаи за експлозии или проектили во текот на ноќта, по првичните прекршувања на прекинот на огнот, а индиската војска соопшти дека неделата била првата мирна ноќ по деновите долж границата, иако некои училишта останале затворени.
Прекинот на огнот во хималајскиот регион во саботата, објавен од американскиот претседател Доналд Трамп, следеше по четири дена интензивна огнена престрелка, дипломатија и притисок од Вашингтон.
Индиската војска во неделата испрати порака до Пакистан за прекршувањата на прекинот на огнот од претходниот ден, што укажува на намерата на Њу Делхи да одговори на понатамошни вакви инциденти, изјави висок индиски воен офицер.
Портпаролот на пакистанската војска негираше дека е прекршено примирјето.
Во соопштението објавено во саботата, индиското Министерство за надворешни работи соопшти дека командантите на двете страни ќе одржат меѓусебни разговори во понеделник.
Двете земји, традиционални соперници, ги напаѓаа меѓусебните воени инсталации со ракети и беспилотни летала, при што загинаа десетици цивили, додека односите се влошија откако Индија го обвини Пакистан за нападот во кој загинаа 26 туристи.
Пакистан ги негира обвинувањата и повикува на неутрална истрага.
Индија во средата соопшти дека започнала напади врз девет „терористички инфраструктурни“ локации во Пакистан и пакистански Кашмир, за кои Исламабад тврди дека се цивилни локации.
Иако Исламабад му се заблагодари на Вашингтон за олеснувањето на прекинот на огнот и ја поздрави понудата на Трамп да посредува во спорот со Индија околу Кашмир, Њу Делхи не коментираше за учеството на САД во прекинот на огнот или разговорите на неутрално место.
Њу Делхи, кој тврди дека споровите со Пакистан мора да ги решаваат директно соседите, ја отфрли можноста за вмешаност на која било трета страна.
Индија, со хиндуистичко мнозинство, и муслимански Пакистан владеат со дел од хималајскиот регион Кашмир, но го бараат во целост.
Свет
Дали Кина и САД постигнаа договор: „Она за што се согласивме е одлична вест за светот“

САД и Кина ги завршија дводневните трговски разговори во Женева со позитивен исход, најавувајќи заедничка изјава што ќе биде објавена подоцна во текот на денот. Американските претставници го истакнаа постигнувањето договор што ќе го намали трговскиот дефицит на САД, додека кинеските претставници изјавија дека страните постигнале важен консензус и се согласиле да започнат нов форум за економски дијалог.
По завршувањето на преговорите, ниту една страна не објави никакви детали. Кинескиот вицепремиер Хе Лифенг изјави дека заедничка изјава ќе биде објавена во Женева во понеделник. Заменик-министерот за трговија Ли Ченгганг рече дека тоа ќе содржи „добри вести за светот“.
Кога беше прашан за точниот момент на објавување на заедничката изјава во понеделник, Ли Ченганг, преговарач за меѓународна трговија на Кина и заменик-министер за трговија, одговори со кинеска поговорка: „Ако храната е вкусна, времето за сервирање не е важно“.
„Без разлика кога ќе биде објавена оваа изјава, тоа ќе биде одлична и добра вест за светот“, рече Ли.
Изјавата доаѓа откако високи претставници од двете земји ги опишаа разговорите како конструктивни, со постигнат „важен консензус“ и договор за воспоставување нов механизам за економски дијалог.
Американскиот министер за финансии Скот Бесент и трговскиот претставник Џејмисон Грир ги опишаа разговорите како „продуктивни“ и забележаа „значаен напредок“, додавајќи дека деталите ќе бидат објавени во понеделник.
Во одделни изјави за новинарите, ниту една страна не го спомена договорот за намалување на американските царини од 145% за кинеските стоки или кинеските царини од 125% за американските стоки.
Грир и Бесент не одговорија на прашањата на новинарите. Американскиот секретар за финансии претходно изјави дека овие тарифи претставуваат трговско ембарго меѓу двете најголеми економии во светот и дека тие треба да се „намалат“.