Свет
Расмусен: НАТО ќе остане во Авганистан и по 2014-та
Генералниот секретар на НАТО, Андерс Фог Расмусен, нагласи дека странските војници нема да го напуштат Авганистан и по целосното предавање на безбедноста на авганистанските сили кон крајот на 2014 година.
Генералниот секретар на НАТО, Андерс Фог Расмусен, нагласи дека странските војници нема да го напуштат Авганистан и по целосното предавање на безбедноста на авганистанските сили кон крајот на 2014 година.„Да нема недоразбирање, транзицијата не е заминување. Ние нема да заминеме кога Авганистанците ќе ја преземат водечката улога“, најави Расмусен во четвртокот, по дводневниот самит на министрите за одбрана на земјите членки на НАТО во Брисел.Шефот на НАТО додаде дека странските воени сили предводени од САД ќе бидат ангажирани на продожувањето на своето присуство во Авганистан и по 2014 година со цел да не остават зад себе „безбедносен вакуум“.Расмусен изјави дека претстојната меѓународна конференција за Авганистан ќе се одржи во германскиот град Бон во почетокот на декември, од каде ќе биде испратена пораката дека „ние нема да го напуштиме Авганистан“.“Странски војници ќе бидат задолжени за обуката на авганистанските безбедносни сили и по 2014 година за кога беше планирано нивното повлекување. Расмусен тврди, додавајќи дека секоја одлука за тоа колку странски војници треба да го продолжат престојот во Авганистан ќе зависи од безбедносната ситуација на крајот од 2014 година.Денеска, на 7-ми октомври, се одбележува десетгодишнината од американската инвазија на Авганистан во 2001 година, со којашто беше соборен режимот на талибаните. Сепак, и покрај големиот ангажман на меѓународната коалиција предводена од САД и НАТО, се чини дека безбедносната ситуација во земјата воопшто не е подобрена, особено последните години кога драстично се зголемени бројот на нападите на исламистичките бунтовници а постојано расте и бројот на загинатите странски војници. Во последната година во Авганистан е забележано 40 проценти поголемо насилство во однос на истиот период во 2010 година, се вели во извештај на ОН, објавен денеска.И покрај присуството на 140.000 војници на НАТО, од кои две третини се американски, талибаните значително го засилија востанието и ги проширија герилските акции низ речиси целата држава, при тоа зголемувајќи го и бројот на самоубиствени напади во престолнината Кабул.Во тромесечниот извештај на Советот за безбедност, генералниот секретаријат на Обединетите нации наведува дека во текот на првите осум месеци на 2011 година имало просечно по 2.108 инциденти месечно, што претставува зголемување од 39 проценти споредено со првите осум месеци во 2010 година.Две третини од тие напади се концентрирани на југот и на југоистокот на земјата, региони познати како упоришта на талибаните и на другите бунтовнички групи.Бројот на цивили убиени во текот на летото се зголеми за пет проценти во однос на летниот период во 2010 година, се вели во извештајот. Според Мисијата на ОН во Авганистан, од јуни до август 2011 година се убиени 971 цивил.Но и покрај тоа, првиот човек на НАТО во четвртокот во Брисел инсистираше на тоа дека безбедносната ситуација е подобрена и дека бројот на талибанските напади е намален, тврдење што е во драстичен расчекор со споменатиот неодамнешен извештај на ОН./крај/ап/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.