Свет
Оланд и Обри во вториот круг од изборите на француските социјалисти
Умерениот левичарски пратеник Франсоа Оланд води на внатрепартиските избори што во неделата ги одржаа француските социјалисти за да го изберат својот претседателски кандидат
Умерениот левичарски пратеник Франсоа Оланд води на внатрепартиските избори што во неделата ги одржаа француските социјалисти за да го изберат својот претседателски кандидат, со 40 отсто од гласовите, додека на второто место е претседателската на Социјалистичката партија Мартина Обри со 30 отсто по прелиминарното пребројување на повеќе од милион гласови.
Социјалистичката партија на Франција по трите изборни пораза, ги огранизираше овие внатрепартиски избори по урнекот на американските, за да го избере својот претседателски кандидат кој ќе му се спротистави на актуелниот претседател Николас Саркози, на претседателските избори во 2012 година.
На овие отворени предизбори можеше да гласа секој лево ориентиран избирач кој уплати едно евра. На изборите коишто се одржаа во неделата, на повикот на социјалистите на гласачките места излегоа 1,5 милион гласачи.
Социјалистичката партија понуди 10 илјади избирачки места, а ниеден гласач не мораше да мине повеќе од 10 километри до местото на кое ќе гласа.
Доколку резултатите од изборите бидат потврдени, следната недела ќе биде одржан и вториот круг од овие внатрепартиски избори , имајќи предвид дека ниеден од шесте кандидати во првиот круг не освои повеќе од половина од гласовите на излезените избирачи.
Оланд со 40 отсто освоени гласови е фаворит за вкупна победа, а ќе му се спротистави 61-годишната лидерка Обри, градоначалничката на Лил и ќерка на поранешниот претседател на Европската Комисија, Жак Делор, која во првиот круг освои 30 отсто од гласовите.
На трето место со 17 отсто од гласовите го освои 48-годишниот Арно Монтебур, еден од лидерите на француската левица кој се залага за деглобализација – „демондијализација“, облик на европскиот протекционизам кој има цел да го запре слабеењето на индустријата во Франција.
Сеголен Ројал којашто како кандидат на социјалистите во 2007 година беше поразена од Саркози, оствари многу лош резултат, околу 7 отсто и е пред Мануел Валис претставник на десното крило на социјалистите кој освои пет отсто од гласовите./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху ја прифати поканата на Трамп до „Одборот на мирот“ за обнова на Газа
Израелскиот премиер Бенјамин Нетанјаху ја прифати поканата од американскиот претседател Доналд Трамп да се приклучи во „Одборот на мирот“ задолжен за обнова на Газа, објави неговиот кабинет.
Иницијативата е дел од планот на Трамп за формирање комитет кој подоцна би можел да се прошири за решавање на други конфликти.
Сугестијата на Трамп дека комитетот „може“ да ги замени Обединетите нации предизвика загриженост во меѓународната заедница, како и нацрт-повелбата што ја доби Си-ен-ен, според која Трамп би останал претседател на одборот на неодредено време.
Трамп испрати покани до лидерите на десетици земји во последните денови, вклучувајќи ги Русија и Кина, и се очекува да одржи церемонија на потпишување во Давос оваа недела, според извори на Си-Ен-Ен.
Свет
Дефект на авионот на Трамп: Светлата се изгаснаа по полетувањето, па се врати во САД
„Ер Форс Уан“, во кој се наоѓаше претседателот Трамп, мораше да се врати во Мериленд кратко по полетувањето поради, како што изјавија претставници на Белата куќа, „мал електричен проблем“. Авионот се упатил кон Давос, Швајцарија, а Трамп го продолжил своето патување со друг авион околу еден час подоцна, објави CBS News.
Портпаролката на Белата куќа, Каролин Ливит, им изјави на новинарите дека екипажот забележал „мал електричен проблем“ по полетувањето од заедничката база Ендрус и одлучил да се врати како мерка на претпазливост. „Ер Форс Уан“ слета назад во базата во 23:07 часот по локално време.
Новинарите во авионот забележале дека светлата во нивната кабина се изгаснале кратко по полетувањето, но не било дадено никакво објаснување.
Потоа Трамп се качил на друг авион, кој полетал околу полноќ. Според „Асошиејтед Прес“, авионот е „Ер Форс Ц-32“, модифицирана верзија на „Боинг 757“, кој претседателот вообичаено го користи за домашни патувања и слетувања на помали аеродроми.
Свет
(Видео) Американски специјалци упаднаа во уште еден танкер, објавена е снимка
Американските сили ја презедоа контролата врз танкер за нафта во Карипското Море, соопшти војската.
Моторниот брод „Сагита“ ја прекрши блокадата што ја воведе претседателот Трамп врз санкционираните танкери, објави Јужната команда на САД (SOUTHCOM) на платформата X.
Through #OpSouthernSpear, the @DeptofWar is unwavering in its mission to crush illicit activity in the Western Hemisphere in partnership with @USCG, @DHSgov and @TheJusticeDept.
This morning, U.S. military forces, in support of the Department of Homeland Security, apprehended… pic.twitter.com/UPADtiw681
— U.S. Southern Command (@Southcom) January 20, 2026
САД се решени да „обезбедат единствената нафта што ја напушта Венецуела да биде онаа што е координирана на соодветен и законски начин“, соопшти САУТКОМ, додавајќи дека операцијата е спроведена „без инциденти“.

