Судот во Киев денеска ја прогласи за виновна поранешната украинска премиерка Јулија Тимошенко бидејќи, како премиерка ги злоупотребила овластувањата во криминални цели при потпишувањето на договорот за гас со Русија.

Судот во Киев денеска ја прогласи за виновна поранешната украинска премиерка Јулија Тимошенко бидејќи, како премиерка ги злоупотребила овластувањата во криминални цели, при потпишувањето на договорот за гас со Русија.

„Во јануари 2009 година, Јулија Тимошенко, како примиер ја искористила својата полжба и законските прерогативи во криминални цели и направила дела кои јасно отстапуваат од нејзините овластувања“ изјавил судијата.

Судијата се уште не ја изрекол должината на казната, но Тимошенко за ова дело би можела да биде осудена на седум години затвор.

Тимошенко веднаш ја критикуваше одлуката на судот, наведувајќи дека се работи за „монтирана пресуда“ зад која стои претседателот на Украина, Виктор Јануковиќ.

„Овој кривичен процес е монтиран, пресудата е произволна. Јануковиќ се враќа во 1937 година“ изјави Тимошенко, мислејќи на чистката за време на Сталин.

Тимошенко го обвини Јануковиќ дека го нарачал судењето и пресудата и оцени дека сето тоа ја покажува слабоста на власта.

Поранешната украинска премиерка се товари за злоупотреба на службената положба бидејќи без одобрување на владата дозволила потпишување на договор за увоз на руски гас по неповолна цена со што ја оштетила државата за 130 милиони евра.

Таа е обвинета и за проневера на повеќе стотини милиони долари, а истрага се води и против некои поранешни функционери од нејзината влада.

Тимошенко тврди дека истрагата против нејзе и нејзините соработници ја покренал претседателот Виктор Јануковиќ за да ја замолчи опозицијата и да ja исфрли од изборната трка во 2012 година, за кога се планирани парламентарни избори.

Јулија Тимошенко беше премиерка на Украина од февруари до септември 2005 година, а на оваа функција повторно беше од декември 2007 до март 2010 година./крај/б/фф