Свет
Тимошенко доби седум години затвор

Окружниот суд во Киев во вторникот ја осуди поранешната премиерка на Украина, Јулија Тимошенко, на седум години затвор за злоупотреба на положбата и функцијата при потпишувањето на договорите за испорака на гас од Русија во 2009 година, јави дописникот на РИА Новости.
Окружниот суд во Киев во вторникот ја осуди поранешната премиерка на Украина, Јулија Тимошенко, на седум години затвор за злоупотреба на положбата и функцијата при потпишувањето на договорите за испорака на гас од Русија во 2009 година, јави дописникот на РИА Новости.Судијата пресуди дека Тимошенко, додека ја извршувала функцијата премиер на Украина, ги надминале своите овластувања со издавање директиви без одобрение на владата за разговорите со Москва околу цената по којашто ќе се набавува рускиот гас, кои не биле соодветно формирани. Обвинителството на Украина смета дека Тимошенко има потпишано штетни договори за набавка на гас од Русија во 2009 година заради подобрувањето на својот имиџ пред претседателските избори од 2010 година. Таа ги загуби изборите. Државното обвинителство на Украина, инаку, во обвинението побара од судот да ја прогласи виновна Тимошенко со барање за пресуда токму од седум години затвор. Поранешниот претседател на Украина, Виктор Јушченко, во август сведочеше против поранешната украинска премиерка Јулија Тимошенко.Јушченко тврдеше дека Мосвка во почетокот предложила прифатлива цена за Киев, но Тимошенко ја одбила. Руската страна тогаш одбила да ги продолжи преговорите за на Киев потоа му наметне многу повисока цена.Киевскиот суд на 5 август и’ одреди притвор на Јулија Тимошенко, под обвинението дека во 2009 година ја злоупотребила службена положба како премиерка, бидејќи без одобрение на владата дозволила потпишување на договор за увоз на руски гас по неповолна цена, со што ја оштетила државата за околу 130 милиони евра.Притворањето на Тимошенко предизвика реакции ширум светот, а САД побараа нејзино ослободување, оценувајќи дека судењето е политички монтирано.Поддршка на Тимошенко и’ даде и Русија, која оцени дека потпишаниот договор за гасот е согласно законите.Тимошенко истовремено е обвинета и за проневера на неколку стотина милиони долари во други случаи, а истрага е покрената и против неколку функционери од нејзината влада.Поранешната премиерка тврди дека процесот против неа и против нејзините соработници е покрената од страна на претседателот Виктор Јанукович, со цел да се замолчи опозицијата./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Фото+видео) Опасна бура во Словенија: паѓаше град со големина на јајце, издадено портокалово предупредување

Словенија е погодена од силни бури придружени со силни налети на ветер, поројни дождови и град.
Сообраќајот во земјата е забавен, а Агенцијата за заштита на животната средина издаде портокалово предупредување за целата територија.
Од агенцијата посочуваат дека поради дождот може да дојде до задржување на вода и зголемување на реките.
На објавите на социјалните мрежи се гледа дека паѓал град со големина на јајце.
Според објавите и коментарите, најлошото било околу Шемпетер во долината Савиња.
Како што јавува ТВ Словенија, во текот на вечерта бурата постепено ќе ослабне , најдоцна на истокот од земјата.
Бура пристигнува и во Хрватска
Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.
Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови.
Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.
Свет
Изнајмувач на Airbnb со вештачка интелигенција креирал штети во станот и барал 12.000 фунти отштета од станарката

Жена од Лондон добила извинување и поврат на средства од речиси 4.300 фунти од компанијата Airbnb, откако домаќин во Њујорк лажно ја обвинил дека предизвикала штета од над 12.000 фунти, пренесува Гардијан. Тој приложил фотографии како наводен доказ, кои, според жената, биле создадени со вештачка интелигенција.
Жената го резервирала еднособниот стан на Менхетен во Њујорк за два и пол месеци за да остане во него додека студира, но решила да замине порано бидејќи се чувствувала небезбедно во областа.
Кратко по нејзиното заминување, домаќинот поднел жалба до Airbnb, тврдејќи дека направила штета во вредност од над 12.000 фунти. Навел дека искршила масичка за кафе, душекот го извалкала со урина, оштетила робот правосмукалка, софа, микробранова печка, телевизор и клима-уред. Притоа, приложил и фотографии.
Airbnb ѝ соопштил дека, „по внимателен преглед на фотографиите“, треба да му плати 5.314 фунти на домаќинот. Таа поднела жалба и истакнала дека има очевидец, кој може да потврди дека станот бил оставен во уредна состојба. Дополнително, укажала на јасни визуелни несогласувања во фотографиите, што, според неа, укажувало на дигитална манипулација или употреба на вештачка интелигенција, пишува Гардијан.
„Такви несогласувања не се можни на автентични фотографии од ист објект. Тоа требаше да биде веднаш препознаено од Airbnb“, изјавила таа.
Пет дена по обраќањето на Гардијан до Airbnb, компанијата ја прифатила нејзината жалба. Прво ѝ понудиле 500 фунти, а потоа уште 854 фунти, што претставувало помалку од една петтина од вкупната цена на резервацијата. Откако жената одбила, на крајот ѝ била рефундирана целата сума од 4.269 фунти, а негативната оценка што домаќинот ја оставил на нејзиниот профил била отстранета.
„Загрижена сум за другите корисници кои можеби немаат ресурси да се одбранат од вакви измами. Денес е премногу лесно да се фалсификуваат фотографии со помош на вештачка интелигенција. Airbnb мора да има поостри критериуми за проверка“, изјавила таа за Гардијан.
Домаќинот што ја пријавил има статус на „супердомаќин“, што значи дека има искуство и високи оценки од претходни гости. Тој не одговорил на барањата од Гардијан за коментар.
Од Airbnb изјавиле дека не можеле да ја потврдат автентичноста на испратените фотографии и дека домаќинот добил предупредување за кршење на правилата. Доколку повторно добијат слична пријава, тој ќе биде отстранет од платформата.
„Сериозно ги сфаќаме пријавите за штета. Нашиот специјализиран тим ги разгледува сите достапни докази, а одлуките може да се обжалат“, изјавиле од компанијата за Гардијан.
Серпил Хол, директорка за економски криминал при консултантската фирма Baringa, објаснила дека денес е многу лесно да се манипулираат фотографии и видеа. Софтверите за оваа цел се евтини, достапни и лесни за користење.
„Многу компании веќе не ги прифаќаат фотографиите како единствен доказ во спорови“, рекла таа и додала дека „потребни се форензички алатки и системи за откривање измами, за да се потврди нивната веродостојност“.
Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија