Обилните дождови ширум Централна Америка предизвикаа свлечишта, поплави и рушење на мостови во кои што најмалку 84 луѓе го изгубија животот и уште девет се водат како исчезнати, соопштија функционери од централно-американските држави.

Обилните дождови ширум Централна Америка предизвикаа свлечишта, поплави и рушење на мостови во кои што најмалку 84 луѓе го изгубија животот и уште девет се водат како исчезнати, соопштија функционери од централно-американските држави.

Во Салвадор, поради обилните дождови, загинаа 32 лица, во Гватемала 31, во Хондурас 13 лица и осум во Никарагва, додека врнежите директно погодија околу 250.000 луѓе, а илјадници бараа заштита во засолништа.

Се очекува да се зголеми бројот на жртвите од невремето кога ќе почнат да стигнуваат извештаи од изолираните села, а во наредните денови властите стравуваат од нови свлечишта, недостаток на храна во оддалечените градови, како и здравствени проблеми поради болестите кои ги предизвикува валканата вода.

Салвадорскиот директор за цивилна заштита Хорхе Мелендес предупредува дека врнежите ќе продолжат најмалку до утре.

Количеството на дожд што падна во последните седум дена го премина нивото кое беше регистрирано при минувањето на ураганот Мич кој што го опустоши регионот во 1998 година кога животот го изгубија 11.000 луѓе, рече Мелендес.

Салвадор и Никарагва вчера прогласија вонредна состојба поради временските непогоди, а претседателот на Гватемала, Алваро Колом иницираше конгресот да го забрза донесувањето на одлуката за буџет за погодените од невремето.

Невремето кое минатата среда се прошири од Тихиот океан предизвика свлечишта и вода на патиштата, па поради тоа илјадници луѓе заминаа во Мексико и другите земји од Јужна Америка. /крај/тј/фф