Бројот на барања за азил поднесени во високо развиените држави во првата половина од годината е пораснат за 17 отсто во споредба со истиот период лани.

Бројот на барања за азил поднесени во високо развиените држави во првата половина од годината е пораснат за 17 отсто во споредба со истиот период лани. Ова се наведува во Извештајот кој денеска го објави Агенцијата за бегалци при Обединетите нации – УНХЦР, во кој се прецизира дека повеќето од барателите на азил потекнуваат од државите во кои владеат повеќегодишни бегалски кризи, Извештајот на УНХЦР Нивото и трендовите на азил во индустријализираните земји, во првата половина на 2011 година наведува дека во периодот 1 јануари – 30 јуни 2011 година, се поднесени 198.300 барања за азил. За споредба, во истиот период минатата година се поднесени 169.300 барања за азил.Со оглед на тоа дека најголемиот број барања за азил обично се поднесува во втората половина на годината, УНХЦР предвидува дека до крајот на 2011 година, вкупниот број на барања за азил ќе ја достигне цифрата од 420.000 – највисока во изминатите осум години.Годинава исто така се случија и големи раселенички кризи во Западна, Северна и Источна Африка. Според тоа, се вели во Извештајот, зголемен е бројот на  барања за азил кои ги поднесуваат државјаните на Тунис, Брегот на Слоновата Коска и Либија Меѓутоа, општо земено, влијанието на овие збиднувања со бројот на поднесени барања во индустријализираните  земји е ограничен. Ако 44-те земји на кои се однесува Извештајот се гледаат како целина, а во однос на претходната година, главните земји на потекло на барателите на азил остануваат истите: Авганистан (15.300 барања), Кина (11.700 барања), Србија и Косово: Резолуција СБ. 1244] 10.300 барања), Ирак (10.100 барања) и Иран (7.600 барања). “2011 година е година на раселенички кризи без преседан откако ја вршам функцијата Висок комесар,” изјави Антонио Гутереш, Шефот на УНХЦР. “Влијанието на овие кризи врз бројот на поднесени барања за азил во индустријализиранитеземји навидум е понизок од што можеше да се очекува, бидејќи мнозинството од оние кои избегале, отишле во соседната земја. Сепак, благодарни сме на фактот дека индустријализираните земји продолжуваат да го почитуваат правото на секој човек да му се разгледа барањето за азил,” вели Гутереш По континенти, најголемиот број барања за азил е регистриран во Европа  – 73% од сите барања поднесени во индустријализираните земји. Пад на бројот на поднесени барања забележан е само во Австралија: 5.100 барања, во споредба со 6.300 претходната година.Гледано по држави, во САД, поднесени се повеќе барања за азил (36.400) отколку во било која друга индустријализирана земја. Потоа следат Франција (26.100), Германија (20.100), Шведска (12.600) и Обединетото Кралство (12.200). Нордиските земји беа единствениот регион во Европа во кој дошло до пад на бројот на поднесени барања за азил. Во меѓувреме, бројот на барања за азил поднесени во Североисточна Азија е пораснат повеќе од двојно –во Јапонија и Јужна Кореја поднесени се 1.300 барања, во споредба со 600-те барања за азил евидентирани во првата половина на 2010 година. Во Извештајот не е наведен процентот на позитивно решени барања (т.е. лицата на кои им е одобрен бегалскиот статус), ниту неговите наоди се показател на трендовите на миграции. /крај/со/ап/