Свет
Двајца Руси уапсени за шпионажа во Германија
Двајца Руси биле уапсени во вторникот во Германија под обвинение дека веќе дваесет години се занимавале со шпионажа, донесува напис од неделното издание весникот Der Spiegel, од кој во саботата се објавени делови.
Двајца Руси биле уапсени во вторникот во Германија под обвинение дека веќе дваесет години се занимавале со шпионажа, донесува напис од неделното издание весникот Der Spiegel, од кој во саботата се објавени делови.Маж и жена кои имаате германски имиња, биле приведени откако ги уапсила сојузната криминалистичка полиција BKA во градот Балинген, 40-ина километри јужно од Штудгард и во Марбург, 70 километри источно од Келн, се наведува во написот.Како што се додава, постојат сомневања дека тие работеле за руската надворешна разузнавачка служба – СВР, но засега не е познато каква задача имале.Двајцата уапсени ги негирале обвиненијата. Според магазинот, полицјата ја уапсила жената додека преку приемник слушала шифрирани пораки. Наводните шпиони имале австриски пасоши во кои како место на раѓање кај мажот била наведена Аргентина, а кај жената Перу, но истрагата по проверката во Јужна Америка, утврдила дека овие податоци се лажни. Станува збор за прв ваков случај по обединувањето на Германија пред 20 години, се истакнува во написот на Der Spiegel. Истрагата претпоставува дека двајцата осомничени почнале да дејствуваат за руското разузнавање уште во времето на КГБ: Тие во западна Германија престојувале од 1988 година.Сојузното биро за заштита на уставниот поредок (надворешната разузнавачка служба), обратило внимание на оваа двојка откако американскиот ФБИ последните години откри мрежа агенти на СВР на американска територија. САД во јули 2010 година со Русија изврши размена на десетмина тајни агенти, меѓу кои беше и заводливата Ана Чепмен која предизвика огромно внимание на медиумите за нејзиното дејствување за руското разунавање на американска територија, за четири шпиони кои во Русија работеле за западните земји./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.