Свет
САД го повлекоа својот амбасадор од Сирија (проширена)
Соединетите американски држави денеска го повлекоа својот амбасадор во Сирија, Роберт Форд, поради загриженост за неговата безбедност, соопштија дипломатски извори.
Соединетите американски држави денеска го повлекоа својот амбасадор во Сирија, Роберт Форд, поради загриженост за неговата безбедност, соопштија дипломатски извори.
Според информациите, Форд го напуштил Дамаск во текот на викендот, наводно откако добил веродостојни закани по неговата лична безбедност. Минатиот месец Форд беше нападнат со јајца и домати во моментот кога беше на посета кај еден од членовите на опозицијата. Веднаш по инцидентот, тој и неговите колеги кратко време биле држени во заложништво од проврзаниците на ал-Асад.
Според американските власти, Форд не е официјално отповикан . Марк Тонер, портпарол на американскиот Стејт дипартмент, изјави дека враќањето на амбасадорот во Сирија ќе зависи „од проценката на активностите на режимот и од безбедносната ситуација на теренот“.
„Се надеваме дека сирискиот режим ќе прекине со оцрнувачката кампања против амбасадорот Форд“, рече Тонер.
Американскиот амбасадор ги налути сириските власти поради тоа што одржуваше врски со повеќе активисти вклучени во востанието во земјата против децениското владеење на режимот на претседателот Башар ал-Асад.
Форд, кој течно зборува арапски и служел како амбасадор во повеќе араоски земји, отворено им даде поддршка на демонстрантите и го осуди насилното гушење на демонстрациите од страна на властите. Тој пристигна во Дамаск во јануари годинава, како прв американски амбасадор во земјата по повеќе од пет години.
Истовремено, американските весници вчера известија дека сириските власти користат американски софтвер за да ја спроведат цензурата врз интернетот, како и за надгледување. Компанијата Blue Coat Systems, чиј софтвер наводно е во употреба, негира дека и продала опрема на Сирија и покрај санкциите, но не ја исклучи можноста владата во Дамаск да ја набавила преку трета странка. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.