Свет
Турција: од урнатините извлечено живо бебе

Од урнатините на зграда во турскиот град Еркис, кој е меѓу најпогодените од катастрофалниот земјотрес кој го погоди регионот во неделата, е извлечено живо бебе, кое преживеало 46 часа под урнатините.
Од урнатините на зграда во турскиот град Еркис, кој е меѓу најпогодените од катастрофалниот земјотрес кој го погоди регионот во неделата, е извлечено живо бебе, кое преживеало 46 часа под урнатините.
Набргу потоа, од урнатини е извлечена и мајката на бебето, а потоа и бабата. Во урнатините се уште се наоѓа таткото, но тој не е пронајден.
Волшебното спасување на малата Азра, која има само 15 дена, ги разбуди надежите на турските спасувачи дека се уште можат да се најдат преживеани. Тие велат дека со помош на специјализираните уреди слушаат гласови под урнатините и се борат со времето за да стигнат до нив.
Југоистокот на Турција, а особено покраината Ван и истоимениот град, како и областа околу градот Еркис, во неделата беа погодени од катастрофален земјотрес со јачина од 7,2 степена според Рихтер. Последните официјални информации од Управата за катастрофи и вонредни состојби за бројот на жртвите велат дека во ударот загинале најмалку 432 луѓе, а повредени се 1.352. Во силниот потрес се срушени 2.262 згради.
Турскиот премиер Реџеп Таип Ердоган денеска им се извини на жителите на погодените региони поради бавната реализација на помошта, особено на шаторите, поради што голем број луѓе изминатата ноќ ја минаа на отворено, на многу ниски температури и вети поголема експедитивност на надлежните служби. /крај/хина, aje/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.