Свет
Вдовицата и ќерката на Гадафи може да најдат засолниште во ирачки Курдистан
Ирачкиот претседател Џалал Талабани, го разгледува прашањето за давање азил во ирачки Курдистан за семејството на поранешниот либиски лидер Моамер ел-Гадафи, посебно за „неговата единствена ќерка и нејзината мајка“, коешто најде прибежиште во Алжир.
Ирачкиот претседател Џалал Талабани, го разгледува прашањето за давање азил во ирачки Курдистан за семејството на поранешниот либиски лидер Моамер ел-Гадафи, посебно за „неговата единствена ќерка и нејзината мајка“, коешто најде прибежиште во Алжир. Ова во четвртокот го јави независната курдска телевизија „Napaa“ цитирајќи извор близок до раководството на Патриотската унија на Курдистан, чиј лидер е Талабани.Ирачкиот претседател го прави тоа „во знак на благодарност за поддршката дадена во минатото на Курдите, од страна на поранешниот либиски лидер“, се вели во информацијата.Гадафи, според него, „го помагаше курдското ослободително движење со пари, неопходни за набавка на оружје, и заземаше јасен став за правото на Курдите за самоуправа“. Во сегашниот состав на Ирак, тамошниот дел на Курдистан има статус на широка автономија.Вдовицата на соборениот Гадафи, Сафија, неговата ќерка Ајша, која беше во деветтиот месеци од бременоста, и двата сина, Мохамед и Ханибал, кон крајот на август пребегаа од Либија во соседен Алжир, чиишто власти го образложија својот потег „од хуманитарни причини“. Во Алжир, Ајша се породи со ќерка, внука на ликвидираниот поранешен водач на Либиската Џамахирија полковникот Моамер ел-Гадафи. Подоцна алжирските власти соопштија дека ќе му помогнат на семејството Гадафи да ја избегне екстрадицијата во Либија и да замине во трета земја.По 42 години владеење со Либија, Моамер ел-Гадафи, беше убиен на 20-ти октомври, откако се обиде да избега од неговиот роден град Сирт кој веќе падна во рацете на востаниците. Малиот конвој во кој беше Гадафи се најде под оган на воздушните сили на НАТО и беше принуден да се крие во водовод во близина на Сирт каде што ранет го пронајдоа бунтовниците и по три часа малтретирање беше застрелан во главата и стомакот. Телото на Гадафи беше изложено во градот Мисрата за да може да се уверат Либијците дека тој навистина е мртов. Неговото тело е погребано на тајна локација во пустината.Вооруженото востание во Либија траеше околу девет месеци. Во текот на конфронтација меѓу владините сили, од една страна, и воздушните сили на НАТО кои даваа поддршка на бунтовничката опозиција, од друга страна, загинаа илјадници луѓе а економијата и инфраструктурата на некогаш богатата земја доживеаја големи штети./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Цената на златото повторно достигна нов рекорд
Цената на златото денес надмина 4.400 долари за унца првпат во историјата, поттикната од растечките очекувања за намалување на каматната стапка во САД и силната побарувачка за безбедно засолниште. Среброто, исто така, се придружи на растот, кое, исто така, достигна рекордна вредност.
Според податоците од 05:02 часот GMT, цената на златото порасна за 1,4 проценти на 4.397,16 долари за унца, откако претходно достигна рекордни 4.400,29 долари во текот на денот. Среброто во исто време скокна за 3,3 проценти на историски максимум од 69,44 долари.
Скапоцениот метал скокна за 67 проценти од почетокот на годината, кршејќи повеќекратни рекорди и надминувајќи ги нивоата од 3.000 и 4.000 долари за прв пат. Златото е на добар пат за најголем годишен раст од 1979 година.
Среброто, од друга страна, скокна за неверојатни 138 проценти од почетокот на годината, далеку над златото благодарение на силните инвестициски приливи и малата понуда на пазарот. Растот на цените на традиционалното безбедно засолниште е поткрепен од зголемените геополитички и трговски тензии, континуираното купување од страна на централните банки и очекувањата за пониски каматни стапки следната година.
Послабиот долар, исто така, дава дополнителен импулс, правејќи го златото поевтино за купувачите со други валути.
Свет
(Видео) Дупка проголта бродови: Вонредна состојба во британска област
Во британската област Шропшир е прогласена вонредна состојба откако во канал кај градот Вичрч се отворила голема дупка, која полицијата ја опиша како понор. Во инцидентот два брода пропаднале во отворот, додека уште два останале опасно да висат на самиот раб, јави Би-Би-Си.
Фотографиите од местото на настанот покажуваат целосно уривање на дел од пловниот пат, при што водата од каналот речиси целосно истекла. Според информациите, два теснокоритни брода потонале, а уште два останале заглавени на работ од пројавата.
A 50m sinkhole has opened beneath the Whitchurch canal in Shropshire, swallowing narrowboats and forcing more than 10 people to be rescued.
A major incident is declared as crews battle unstable ground and rushing water. #Whitchurch #Shropshire pic.twitter.com/02PIZzlen2
— BPI News (@BPINewsOrg) December 22, 2025
Полиција соопшти дека засега нема информации за повредени лица и ги повика граѓаните да го избегнуваат подрачјето и да користат алтернативни правци.
A 50m sinkhole has opened beneath the Whitchurch canal in Shropshire, swallowing narrowboats and forcing more than 10 people to be rescued.
A major incident is declared as crews battle unstable ground and rushing water. #Whitchurch #Shropshire pic.twitter.com/02PIZzlen2
— BPI News (@BPINewsOrg) December 22, 2025
Локалниот советник во Вичрч, Енди Хол, за Би-Би-Си изјави дека инцидентот се случил околу 5 часот наутро и дека огромна количина вода истекла на блиското поле. Според неговите зборови, дел од жителите помислиле дека станува збор за земјотрес, додека пожарникарите поставиле брана за да се спречи дополнително истекување и потенцијални поплави.
Фото: илустрација, Pexels
Свет
Американски конгресмени се закануваат со тужба поради необјавените досиеја за Епстин
Двајца американски конгресмени се заканија со правни чекори против државната обвинителка Пем Бонди кога Министерството за правда само делумно ги објави документите поврзани со покојниот осуден сексуален престапник Џефри Епстин иако законскиот рок истече минатиот петок, пренесе Би-би-си.
Законот за целосна објава на таканаречените Епстинови досиеја беше потпишан во ноември од американскиот претседател Доналд Трамп по притисок од неговите поддржувачи и дел од Републиканската партија. Иако некои од документите беа објавени, многу информации останаа редактирани или нејавно достапни, што предизвика незадоволство кај дел од конгресмените и кај жртвите.
Републиканскиот конгресмен Томас Меси најави можност за поведување постапка за непочитување на Конгресот против Бонди тврдејќи дека Министерството ги крши духот и словото на законот. Тој изјави дека на иницијативата работи заедно со демократскиот конгресмен Рум Хана, кој појасни дека се гради двопартиска поддршка за финансиско казнување на обвинителката за секој ден доцнење.
Од Министерството за правда тврдат дека постапуваат во согласност со законот и дека објавата ќе продолжи во наредните недели. Заменикот на Бонди, Тод Бланш, изјави дека станува збор за повеќе од милион страници документи, од кои голем дел содржат чувствителни информации за жртвите.
Демократскиот сенатор Тим Кејн оцени дека евентуална постапка за непочитување на Конгресот или импичмент би била прерана и дека постојат други законски механизми за притисок.

