Свет
Полскиот Сејм изгласа доверба на новата влада на Доналд Туск

Полскиот Сејм во саботата изгласа доверба на новата влада на Доналд Туск.
Полскиот Сејм во саботата изгласа доверба на новата влада на Доналд Туск.Во петокот, претседателот на Полска, Бронислав Коморовски, свечено го предаде во претседателската палата декретот за именување на членовите на владата, по што новиот кабинет положи заклетва. Потоа премиерот Доналд Туск пред парламентот ја презентираше програмата што ќе ја спроведува неговата влада. Во Сејмот се водеше дебата за гласање доверба на владата којашто продолжи до доцна вечерта.Во саботата „за“ гласаа 234 членови на парламентот, „против“ беа 211,а воздржани беа двајца пратеници. Во гласањето учествуваа 447 од вкупно 460 пратеници на полскиот Сејм.Новата коалициона влада на Полска формирана по парламентарните избори од 9-ти октомври, ја сочинуваат партијата Граѓанска платформа чиј лидер е премиерот Доналд Туск и Полската селанска партија на Валдмар Павлјак, а во 19-члениот владин кабинет влегуваат и шест непартиски министри./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелска армија: Подготвени сме да ја започнеме офанзивата врз Газа

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА
Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.