Свет
Уапсен Саиф ал-Ислам Гадафи
Саиф ал-Ислам Гадафи, синот на соборениот и ликвидран поранешен водач на Либиската Џамахирија, полковникот Моемер ел-Гадафи, е уапсен на југот од Либија.
Саиф ал-Ислам Гадафи, синот на соборениот и ликвидран поранешен водач на Либиската Џамахирија, полковникот Моемер ел-Гадафи, е уапсен на југот од Либија.Ова во сабота го изјави за АFP министерот за правда и човекови права на Националниот преоден совет (NTC), Мохамед ал-Алаги.„Саиф ал-Ислам кој е на потерница на Меѓуанродниот кривичен суд, е уапсен на југ од Либија’, рекол за агенцијата ал-Алаги, несакајќи да каже други детали за апсењето. Ал-Алаги истата информација ја потврдил за итнернет страницата на телевизијата Al Arabiya.Како што пренесува Associated Press, Саиф ал-Ислам и неговите телохранители биле уапсени при обидот да ја минат границата со Нигер. Според информациите со коишто располага Reuters, во моментот на апсењето синот на погубениот Гадафи бил здрав и неповреден. Според претходните сомневања на медиумите, Саиф ал-Ислам, кој исто така е барен по меѓународна потерница од Интерпопл, се наоѓал во Нигер или во Мали, но ниедна од тие држави не ја потврдија таа информација. Саиф ал-Ислам, пред три седмици од непозната локација му порача на Меѓународниот кривичен суд во Хаг дека не е виновен за злосторства против човечноста. Обвинителството на Хашкиот трибунал потврди дека одржува неформален контакт со синот на Гадафи, кој успеа да се извлече од Сирт и да ја избегне судбината на татко му. Се претпоставуваше дека тој преку либискиот дел од пустината Сахара успеал да ја мине границата со Нигер каде што е под заштита на номадскиот сахарски народ Туарезите.Судот во Хаг го обвини Саиф ал-Ислам Гадафи за злосторства против човечноста, за бомбардирање и стрелање врз демонстрантите во февруари годинава.Либискиот Национален преоден совет (NTC) издаде соопштение дека со следење на сателитските телефонски повици и благодарејќи на други разузнавачки информации, е запознаен со тоа дека Саиф ал-Ислам се обидува да организира свое заминување во Хаг, бидејќи во ниедна од земјите во близина на Либија не се чувствува безбеден.Сепак, според претставници на NTC, предавањето на Саиф ал-Ислам не е единствената опција. Се претпоставува, исто така, дека со Саиф е и поранешниот прв човек на либиската разузнавачка служба Абдулах ал-Сенуси, по кого исто така има потерница.Во текот на 42-годишното владеење на Моамер ел-Гадафи, неговото семејство почна и одржуваше многу добри врски со сродните пустински племиња во Нигер, Мали, Чад и другите мали и сиромашни поранешни француски колонии во северна Африка. Исто така, на семејството Гадафи блиски му се делови од населението во Судан и во Зимбабве, коишто режимот на Гадафи богато ги помагаше./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.