Свет
Јемен: Салех конечно го потпиша договорот за негово заминување

Претседателот на Јемен, Али Абдула Салех денеска пристигна во Саудиска Арабија да ја потпише иницијативата за трансфер на власта во неговата земја, постигната од шестчлениот Совет за соработка во Заливот (ГЦЦ).
Претседателот на Јемен, Али Абдула Салех денеска пристигна во Саудиска Арабија да ја потпише иницијативата за трансфер на власта во неговата земја, постигната од шестчлениот Совет за соработка во Заливот (ГЦЦ).
Планот, кој прва пат се појави уште пролетоска, му нуди на Салех и на неговите роднини имунитет од кривично гонење ако му ја предаде власта на својот заменик, потпретседателот Абдурабу Мансур Хади. Салех неколку пати до сега ветуваше дека ќе го потпише договорот, па го менуваше мислењето во последен момент.
Според специјалниот пратеник на ОН за Јемен, Џамал Беномар, договорот го прифатиле и претседателот и опозицијата.
Сепак, познавачите тврдат дека опозицијата е многу расцепкана и се уште не е јасно кои од опозициските групи го поддржуваат договорот, а кои не. Студентите и активистите кои со месеци ги предводеа демонстрациите на Плоштадот на промените во престолнината Сана, веќе изјавија дека нема да го прифатат договорот, затоа што не биле вклучени и тие. Противење изразија и неколку вооружени групи.
Се шират гласини дека голем број членови на партијата на Салах исто така го притискале претседателот да не го потпишува договорот. Постојаното одбивање на Салех да го потпише договорот предизвика повеќемесечен политички застој, што ја доведе владата до состојба на хаос, а економијата во распад.
Политичката криза исто така го влоши тензиите на улиците на престолнината, каде што десетици илјади демонстранти се соочија со брутален одговор од владините сили во текот на сите десет месеци колку што траат, поради што стотици луѓе загинаа, а илјадници се ранети.
Иницијативата поднесена од ГЦЦ ќе значи и формален крај на 33-годишното владеење на Салех. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин до Западот: Купија билет и не патуваа, само за да се налутат на кондуктерот: рускиот енергетски систем работи беспрекорно

Рускиот претседател Владимир Путин изјави дека одбивањето на европските земји да се потпираат на руските енергетски ресурси сериозно ја поткопа конкурентноста на нивните економии и доведе до пад на индустриското производство и пораст на цените низ целиот континент.
Зборувајќи на пленарната сесија на Руската недела на енергија во Москва, Путин истакна дека постапките на западните политички елити „ја уништија глобалната енергетска инфраструктура“, нагласувајќи дека политичкиот притисок довел до ирационални одлуки во ЕУ, според западните медиуми.
„Многу европски земји, под политички притисок, одбија да купуваат руски енергетски производи. Веќе неколку пати предупредив за последиците – не за Русија, туку за самите тие земји. Гледаме пад на индустриската активност и пораст на цените поради поскапата нафта и гас од странство“, рече Путин.
Тој додаде дека, по забраната за соработка со Русија, западните компании почнаа да ја губат својата технолошка предност и да го намалуваат производството, додека руските експерти станаа „технолошки лидери“ на пазарот.
„Што направија? Купија билет и не патуваа – само за да се налутат на кондуктерот. Каква глупост.
Нашиот енергетски систем е еден од најголемите во светот. Овој огромен комплекс работи сигурно и ефикасно“, заклучи претседателот на Русија.
Свет
Кремљ: Путин го предупреди Трамп за време на разговорот

Во денешниот телефонски разговор, рускиот претседател Владимир Путин го предупреди американскиот претседател Доналд Трамп дека испраќањето крстосувачки ракети „Томахавк“ во Украина ќе го загрози мировниот процес и ќе им наштети на односите меѓу САД и Русија. Веста беше потврдена од Кремљ во официјално соопштение, пренесуваат медиумите во регионот.
Според Кремљ, Путин изразил загриженост поради можноста напредното американско оружје во рацете на украинските сили да доведе до понатамошна ескалација на конфликтот. Предупредувањето јасно посочи дека таков потег од страна на Вашингтон би имал директни негативни последици врз билатералните односи на двете сили.
Советникот на Путин, Јуриј Ушаков, им изјави на новинарите дека Путин во разговорот нагласил дека руските сили во моментов имаат „целосна стратешка иницијатива“ по целата линија на фронтот во Украина.
Ушаков додаде дека денешниот повик, кој траел речиси два и пол часа, бил инициран од руска страна. Тој, исто така, објави дека на планираниот нов самит меѓу двајцата претседатели ќе му претходи разговор меѓу државниот секретар на САД, Марко Рубио, и рускиот министер за надворешни работи, Сергеј Лавров, кој се очекува да се одржи во наредните денови, пренесува index.hr.
Фото: принтскрин
Свет
Орбан по разговорите Трамп-Путин: Голема вест за мирољубивите луѓе, подготвени сме

Американскиот претседател Доналд Трамп објави дека наскоро повторно ќе се сретне со рускиот претседател Владимир Путин, а овој пат средбата ќе се одржи во Будимпешта. Двајцата лидери се согласија за нов самит за време на телефонски разговор.
Унгарија е подготвена да биде домаќин на самитот Русија-САД, изјави унгарскиот премиер Виктор Орбан.
„Планираната средба меѓу американскиот и рускиот претседател е голема вест за мирољубивите луѓе низ целиот свет. Подготвени сме!“ напиша тој на X.
Трамп и Путин последен пат се сретнаа пред два месеци во Алјаска, но таа средба не донесе конкретен напредок кон мирот во Украина, по што следеше период на дипломатско затишје меѓу Вашингтон и Москва, анализираат медиумите.
Денешниот телефонски повик не беше објавен со денови, за разлика од некои претходни, а аналитичарите истакнуваат дека времето на неговото случување е исклучително значајно. Имено, Трамп утре треба да се сретне со украинскиот претседател Володимир Зеленски.
Клучната тема на нивниот разговор ќе биде можното испраќање американски ракети со долг дострел „Томахавк“ во Украина, што би претставувало значително зголемување на воената помош за земјата.
Фото: принтскрин