Свет
Соработка со НАТО сакаат помалку од 50 отсто Руси

Четириесет итри отсто од Русите се изјасниле за за соработка со земјите на НАТО, покажува анкетата спроведена од Серускиот центар за истражување на јавното мнение претставено во петокот.
Четириесет итри отсто од Русите се изјасниле за за соработка со земјите на НАТО, покажува анкетата спроведена од Серускиот центар за истражување на јавното мнение претставено во петокот. И покрај тоа, индексот на доверба во северноатлантската алијанса во Русија расте. На пример, пред две години, само 33 отсто од Русите ја одобруваа идејата за соработка со западна воена организација. „За соработка со НАТО најголема тенденција има меѓу поддржувачите на партијата Справедлива Русија, 54 отсто. Противници на проширувањето на соработката со блокот има најмногу кај приврзаниците на партијата ЛДПР (на Владимир Жириновски – з.н.), со 37 отсто и на непарламентарните партии – 49 отсто“, се наведува во соопштението на Центарот, што го цитира РИА Новости. Борбата против трговијата со дрога и организираниот криминал е, според мислењето на руската јавност, како една од приоритетните области во соработката меѓу Русија и НАТО ја сметаат 36 Руси. На второ место со 32 проценти изјаснети испитаници е прашањето на зајакнување на улогата на двете војски во борбата против меѓународниот тероризам, а на трето место со 25 отсто е соработката во справувањето со природни катастрофи. Последното нешто што Русите го очекуваат од соработката на нивната земја со НАТО е развивањето заеднички оружја и размената на разузнавачки податоци, со 8 отсто. Во четвртокот во Брисел заврши средбата на Советот Русија – НАТО на ниво на министри за надворешни работи. Двете страни се согласија да ја зајакнат меѓусебната соработка во контролата на биолошкото и токсичното оружје. Во рамките на самитот беше отворено и прашањето за ткн EUROPRO, односно анти-ракетниот штит што по иницијатива на САД се распоредува во земјите членки на Алијансата на границите со Русија, што Москва го смета за акт насочен против нејзината безбедност . Рускиот министер за надворешни работи, Сергеј Лавров, во овој контекст во Брисел рече дека руските власти сакаат западните партнери на Русија да го почитува мислењето на воените експерти, зборувајќи за можноста за директна насоченост на системот EUROPRO против Русија. Во споменатата анкета, која била спроведена во периодот на 22-ти и 23-ти октомври, учество земале 1.600 испитаници од 46 региони на Русија. Статистичката грешка во резултатите од анкетата не надминува 3,4 отсто, посочуваат од Серускиот центар за истражување на јавното мнение./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин го предупреди Трамп: Ракетите „томахавк“ сериозно ќе ги нарушат односите меѓу Москва и Вашингтон

Рускиот претседател Владимир Путин, за време на телефонскиот разговор синоќа, го предупреди американскиот претседател Доналд Трамп да не ѝ испорачува крстосувачки ракети „томахавк“ на Украина.
Разговорот, кој траеше околу два часа, се чини дека го омекна сè поостриот став на Трамп кон рускиот лидер. Во последните недели Трамп сè повеќе отворено разговараше за можноста за испраќање ракети со долг дострел во Киев.
Кремљ соопшти дека Путин го предупредил Трамп дека испораката на „Томахавк“ – еден од најважните системи за оружје што го бара украинскиот претседател Володимир Зеленски – сериозно ќе ги наруши односите меѓу Москва и Вашингтон.
„Владимир Путин го повтори својот став дека ‘томахавк’ нема да ја променат ситуацијата на бојното поле, но ќе предизвикаат значителна штета на односите меѓу нашите земји, а со тоа и на перспективите за мирно решение“, рече советникот на Путин за надворешна политика, Јуриј Ушаков, според „Киев индипендент“.
Трамп сè уште не изгледа подготвен да донесе одлука за испраќање ракети во Украина.
„Ни требаат ‘томахавки’ за Соединетите Американски Држави. Имаме многу од нив, но ни требаат и тие. Мислам, не можеме да ја исцрпиме сопствената земја“, им рече тој на новинарите во Овалната соба.
„Не знам што би можеле да направиме во врска со тоа“, додаде американскиот претседател.
Фото: ЕПА
Свет
Добитничката на Нобеловата награда за мир го повикува Трамп да ја запре војната на Мадуро против нејзината земја

Венецуелската опозициска лидерка Марија Корина Мачадо, добитничка на Нобеловата награда за мир за 2025 година, повика на поголема поддршка од Соединетите Американски Држави за да се запре она што го опиша како војна на претседателот Николас Мадуро против нејзината земја, пишува Си-ен-ен.
Во интервју за Си-ен-ен, Мачадо ги повтори ставовите на администрацијата на Доналд Трамп нарекувајќи го Мадуро лидер на „криминална наркотерористичка структура“, а од американскиот претседател Доналд Трамп побара поголема помош за негово соборување од власт.
Таа исто така изјави дека американскиот лидер апсолутно заслужува своја Нобелова награда за мир поради „неверојатните настани што моментно се случуваат во светот“ алудирајќи на напорите на Трамп да посредува во мировниот процес на Блискиот Исток.
Изјавите на Мачадо, чија победа предизвика негодување кај некои поддржувачи на движењето МАГА, кои се надеваа дека Трамп ќе ја добие наградата, доаѓаат во време на растечки тензии меѓу САД и Венецуела, пишува Си-ен-ен. Тие следуваа по неколку американски воени напади врз бродови во близина на брегот на Венецуела, кои администрацијата на Трамп наводно ги означи како бродови за шверц на наркотици, а последниот таков напад беше во вторникот кога загинаа шест лица на бродот.
Додека администрацијата на Трамп инсистира дека целите на нивните напади се дилери на дрога, пишува Си-ен-ен, Каракас ги обвинува САД дека се обидуваат да го соборат Мадуро – човек кого САД го обвинуваат за трговија со дрога (обвинение што тој жестоко го негира) и за чија глава има награда од 50 милиони долари.
Мачадо, која е во егзил од спорните избори минатата година, ги поздрави американските акции, што ги смета за намалување на поддршката за режимот на Мадуро.
Таа исто така го обвини Мадуро, пишува Си-ен-ен, дека ја претвора Венецуела во „вистинска закана за националната безбедност на САД“.
„Во случајот на Мадуро и неговата криминална наркотерористичка структура, таа се одржува преку трговија со дрога, злато, оружје, па дури и луѓе, и ние мора да ги намалиме овие текови“, изјави Мачадо за Си-ен-ен.
Таа за Си-ен-ен изјави дека промената на режимот ќе биде можна само со „спроведување на законот и со прекинување на тековите што потекнуваат од овие криминални активности“ додавајќи дека токму тоа би ја завршило војната на Мадуро против нејзината земја.
Фото: принтскрин
Свет
Зеленски и Путин се борат за вниманието на Трамп, ова е најнеизвесната битка во целата војна, пишува „Скај њуз“

Зеленски и Путин се борат жестоко за наклонетоста на Трамп, кој како фигура стана една од клучните во оваа војна, анализира дописникот на „Скај њуз“, Џон Спаркс.
Сеопфатен договор би барал големи територијални отстапки, а Зеленски нема намера да ја предаде земјата што моментно ја држи руската војска. Од друга страна, Путин нема намера да се повлече.
Каде го остава тоа Володимир Зеленски, кој е во Вашингтон обидувајќи се да ја истражи можноста за добивање ракети „томахавк“?
Всушност, ситуацијата не се промени многу за украинскиот претседател од февруари кога Трамп и неговиот сојузник Џ. Д. Венс јавно му држеа предавања. Тој сè уште треба да ги убеди да ја прифатат украинската приказна, приказната за демократијата, европската интеграција и, на крајот, опстанокот на украинскиот идентитет.
Крстосувачките ракети „томахавк“ сами нема да ја променат војната. Дури и ако Трамп ја одобри испораката, Украина нема да добие многу од нив, а прашањето е како би ги користела, Американците ги лансираат од бродови и подморници.
Значењето на „томахавкот“, според тоа, симболично, покажува на која страна, всушност, стои Трамп. Американскиот претседател стана продолжение на оваа војна, едно од нејзините клучни бојни полиња. Трамп може, со својата одлука, да воведе разорни санкции врз Русија или да обезбеди воена помош што би ги надминала сите претходни пакети – и што би значело многу повеќе од неколку десетици ракети.
Затоа, Путин и Зеленски ќе продолжат да се борат за наклонетоста на Трамп, што е најнепредвидливото бојно поле на оваа неславна војна, заклучува Спаркс.