Свет
Смени во Комерсант заради фотографија на Путин
Сопственикот на руската издавачка куќа Комерсант денеска спроведе смени во уредничкиот тим, бидејќи смета дека биле објавени навредливи фотографии на сметка на премиерот Владимир Путин.
Сопственикот на руската издавачка куќа Комерсант денеска спроведе смени во уредничкиот тим, бидејќи смета дека биле објавени навредливи фотографии на сметка на премиерот Владимир Путин.Најнапред беа сменети главниот уредник на неделникот Комерсант власт, Максим Коваљски и директорот на холдингот Андреј Галијев, по што оставка поднесе заменичката на главниот уредник, Вероника Куцило.Сопственикот Владимир Усманов кој досега воопшто не се мешал во уредувачката политика изјави дека причина за смената на главниот уредник Коваљски бил објавениот материјал, „кој се косел со новинарската етика“.„Објавениот материјал е на граница на ситното хулиганство“, рече Усманов, кој не ја исклучи можноста од поднесување на тужба против Коваљски.Во најновото издание, Комерсант власт објави и низа текстови за изборните неправилности од парламентарните избори.Сменетиот Коваљски за руски медиуми изјави дека не му биле вршени притисоци додека работел како уредник, а на прашањето дали одлуката е праведна изјави „Можам единствено да кажам дека јас не би се сменил“. /крај/по/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.