Најмалку седум лица се убиени а 32 се повредени во експлозија на автомобил-бомба во близина на ирачкото министерство за внатрешни работи во главниот град Багдад.

Најмалку седум лица се убиени а 32 се повредени во експлозија на автомобил-бомба во близина на ирачкото министерство за внатрешни работи во главниот град Багдад.Бомбашкиот напад бил извршен во понеделникот околу 07:30 по локално време (4.30 по средноевропско време), во областа Баб ал-Шарџи во централниот дел на Багдад.Минатиот четврток, десетици луѓе беа убиени а голем број беа ранети во десет бомбашки напади што потресоа девет населби на престолнината Багдад.Ова е втор смртоносен бомбашки напад Ирак по официјалното повлекување на американските сили на 18-ти декември, од земјата во која последната година има големи политички тензии.Ирачките власти на 19-ти декември издадоа налог за апсење против заменикот претседател Тарик ал-Хашеми, кој го исповеда сунитскиот ислам, поради сомневање дека е поврзан со терористички групи, а на државната телевизија беше објавено дека неговите тројца телохранители признале оти планирале и изведувале атентати и дека ги финансирал и поддржувал заменикот претседател.Сунитската коалиција Ал-Иракија, која победи на парламентарните избори во 2010 година, има 82 од 325 мандати во ирачкиот парламент, пред една седмица издаде соопштение во коешто нагласи дека тоа претставува суспендирање на нејзиното учество во парламентот и повикa за започнување на тркалезна маса за да се најде решение што ќе оди во полза на демократијата и граѓанските институции. Блокот го обвинува премиерот Малики дека го „монополизира донесувањето на сите одлуки“.Ирачкиот премиер Нури ал-Малики предупреди дека ќе назначи нови министри, доколку актуелните од Ал-Иракија не присуствуваат на седниците на владиниот кабинет. Ирачкиот премиер, исто така, ги повика сите политички групи во земјата да помогнат во решавањето на кризата во земјата.Ал-Хашеми кој е потпретседател од 2006 година, ги отфрли обвиненијата против него како фабрикувани клевети и дел од интригите на премиерот Нури ал-Малики, и изрази подготвеност да излезе пред судот во автономната ирачка покраина Курдистан, каде отпатува по издавањето на налогот за негово апсење.Владиниот кабинет на Ирак ќе се состане во вторникот а министрите од Ал-Иракуја сé уште не соопштија дали ќе присуствуваат или ќе ја бојкотираат седницата.„Доколку Ал-Иракија сака вистински да учествува во разговорите, треба да се врати во парламентот и во владата, бидејќи бојкотот на парламентот не е прифатлив“, изјави ирачкиот пратеник Хајдер ал-Абади.Минатата среда, ирачкиот премиер Нури ал-Малики предупреди дека ќе назначи нови министри, доколку актуелните од Ал-Иракија не присуствуваат на седниците на владиниот кабинет. Ирачкиот премиер, исто така, ги повика сите политички групи во земјата да помогнат во решавањето на кризата во земјата.Ал-Иракија претставува политичка коалиција составена од Партијата за обнова на Хашими, Ирачката национална листа предводена од поранешниот премиер Ијад Алави и Ирачкиот фронт за национален дијалог предводен од Салех ал-МултагОдносите меѓу шиитите и сунитите станаа многу тензични по соборувањето на режимот на претседателот Садам Хусеин и инвазијата на меѓународните сили предводени од САД во 2003 година. Припадници на двете исламски верски групации често се мета на напади од нивните релиогиозни неистомисленици.Според пописот 1997 година,  66 отсто од населението на Ирак се сунитски муслимани, а 34 проценти се шиити. Премиерот Нури ал-Малики и’ припаѓа на , шиитската заедница, додека неговиот Мултаг и потпретседател Ал-Хашими го исповедаат сунитскиот ислам./крај/ро/мф/сн