Бројни прекршувања на човековите права во САД се нотирани во годишниот извештај на руското министерство за надворешни работи „За состојбата со човековите права во земјите во светот“, објавен во средата на интернет страницата на руското министерство.

Бројни прекршувања на човековите права во САД се нотирани во годишниот извештај на руското министерство за надворешни работи „За состојбата со човековите права во земјите во светот“, објавен во средата на интернет страницата на руското министерство.„Ситуацијата во САД е далеку од идеалите што ги декларира Вашингтон“, се наведува во документот.Главниот нерешен проблем, се истакнува во текстот, се состои во постоењето на затворот во заливот Гвантанамо, каде сé уште се затворени повеќе од 170 лица осомничени за тероризам, вклучувајќи и еден русофон.„САД продолжува да бидат земја со најголема ’затворската популација’(според  податоците на министерството за правда на САД, во 2009 година таа изнесуваше 2,3 милиони лица) и највисока стапка на затвореници по глава на жител во светот (743 на 100 илјади жители)“, се вели во документот. Така, зад решетки е секој 132-ри американски државјанин, а повеќе од 140 илјади се наоѓаат на издржување доживотни казни.„Сегашната администрација продолжува да применува повеќето од методите за контрола над општеството и вмешување во приватноста на Американците, донесени од безбедносните служби во времето на претседателот Џорџ Буш под образложение ’војна со тероризмот“, се наведува во извештајот на руското министерство за надворешни работи. „Притоа, Белата куќа и Министерството за правда заштитуваат од одговорност оперативци на ЦИА и високи функционери одговорни за големите и флагрантни кршења на стандардите за човекови права“, го цитира извештајот РИА Новости.Во документот особено внимание се посветува на повредата од страна на САД на меѓународното хуманитарно право во регионите на вооружените конфликти и за време на анти-терористички операции, за неселективна и несразмерна употреба на сила. Москва обрнува внимание и на „влошувањето на долготрајните системски проблеми во американското општество“, меѓу кои се набројуваат расната дискриминација, ксенофобијата, пренатрупаноста на затворите, несоодветната примена на смртната казна, во таа смисла и кон лица со недокажана вина, малолетни и ментално болни, недоизграденоста на изборниот систем, корупцијата…„Во услови на хроничен дефицит на федералниот и локалните буџети, се појавува и кризата на судскиот систем, вклучувајќи го и ограничениот пристап до правдата за посиромашните“, се вели во извештајот на руското министерство за надворешни работи.Руско-американските односи претпрпеа сериозна штета поради екстериторијалната примена на американското право, што доведе до истраги и апсења на руските државјани Виктор Бут и Константин Јарошенко врз сведочења на „божемни агенти и сомнителни докази“.Останува сé уште да се издвојува и ситуацијата со слободата на говорот во САД, којашто по 11 септември 2001 година беше строго ограничена, нагласува рускoто министерство за надворешни работи. Покрај тоа, новинарите во САД сé уште ги губат своите работни места поради своите „политички некоректни“ истапувања, а Конгресот веќе неколку години не може да донесе закон којшто на новинарите ќе им го овозможува правото да ги чуваат во тајност своите извори (освен во некои случаи, кога судот го смета откривањето за потребно), се вели во документот.„Ахиловата петица“ на американската Темида, според Министерството за надворешни работи на Руската Федерација, покрај смртната казна, продолжува да  биде правото на абортус. „Во текот на изминатите 30 години постфактум биле ослободени од обвинението повеќе од 130 затвореници“, се додава во извештајот.Русија во извшетајот ги критикуваше и членките на Европската унија поради односот кон верските малцинства и особено Велика Британија поради кршењето на човековите права по големите протести во август 2011 година.

Западните медиуми, пак, забележуваат дека Кина во рускиот извештај за состојбата на човековите права во светот се споменува само со една реченица./крај/рн/мф/сн