Свет
Британци обвинети за шверц на оружје во Авганистан
Авганистанските власти ги обвинија за шверц со оружје двајцата уапсени оваа седмица британски државјани, пишува во четвртокот британскиот весник Telegraph, повикувајќи се на изјава на претставник на владата на Авганистан.
Авганистанските власти ги обвинија за шверц со оружје двајцата уапсени оваа седмица британски државјани, пишува во четвртокот британскиот весник Telegraph, повикувајќи се на изјава на претставник на владата на Авганистан.Британците Џулиан Стил и Џејмс Дејвис биле уапсени од полицијата во вторникот при нивното минување низ Кабул. Во нивниот автомобил бил пронајден арсенал од 30 парчиња од автоматската пушка ’АК-47’. Како што соопшти авганистанската полиција, Британците работеле во приватната компанија за обезбедување „Garda World“.„Кај уапсените не се најдени какви и да се придружни документи за оружјето, така што им поднесовме обвиненија за шверц со оружје и ги предадовме на обвинителството за натамошна истрага“, изјави на прес-конференција во главниот авганистански град Кабул, портпаролот на тамошната влада Седик Седики, на којашто на новинарите им било соопштено за уапсените Британци.Во автомобилот со британските државјани, се превезувале и двајца авганистански државјани, коишто, исто така, биле притворени.Според указот на авганистанскиот претседател Хамид Карзаи од август 2010 година, сите приватни компанија за обезбедување треба да бидат распуштени до 1-ви јануари 2011 година. Подоцна, датумот за отпочнување на важност на декретот беше продолжен до март 2012 година. Исклучок беше направен само за оние приватни компании за обезбедување кои се ангажирани за обезбедување дипломатски мисии и претставништва, дипломатски возила и воени бази.И покрај барањето на амбасадорите на САД, Германија и Велика Британија да го одложи извршувањето на указот, претседателот Карзаи изјави дека неговиот декрет ќе остане на сила, бидејќи „приватните компании за обезбедување формирани на територијата на странски земји претставуваат втора, паралелна власт во земјата“, со што тој како претседател на земјата „не може да се помири“./крај/тл/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Северна Кореја испраќа војници во руската армија
Украинскиот претседател, Володимир Зеленски, денеска ја обвини Северна Кореја дека испраќа војници во руската армија за да ја нападне Украина.
„Гледаме растечки сојуз меѓу Русија и режими како Северна Кореја. Повеќе не се работи само за трансфер на оружје. Се работи за испраќање луѓе од Северна Кореја во окупаторските вооружени сили“, рече тој.
Свет
САД му испраќаат на Израел голема помош: „Го правиме тоа за да го одбраниме“
Соединетите Американски Држави најавија дека ќе испратат напреден противракетен систем до Израел и американски војници да управуваат со него, во обид да ја зајакнат воздушната одбрана на земјата по ракетниот напад од Иран.
Американскиот претседател, Џо Бајден рече дека го испраќа системот за да го одбрани Израел.
Портпаролот на Пентагон, Пат Рајдер, рече дека распоредувањето на системот за одбрана ќе го зајакне интегрираниот израелски систем за воздушна одбрана.
„Ова е дел од поширокото прилагодување на американската војска во последните месеци за поддршка на одбраната на Израел и заштита на Американците од нападите на Иран и проиранските милиции“, рече Рајдер.
Претходно во неделата, иранскиот министер за надворешни работи Абас Аракчи ги предупреди Соединетите држави дека ги загрозуваат животите на нивните војници со тоа што „ги испраќа да управуваат со американските противракетни системи во Израел“.
„Иако направивме неверојатни напори во изминатите неколку дена за да спречиме војна од целосен обем во нашиот регион, јасно ќе кажам дека немаме црвени линии во одбрана на нашиот народ и интереси“, објави Аракчи на „Икс“.
Иран истрела проектили и беспилотни летала кон Израел во април. На 1 октомври повеќе од 180 балистички ракети беа истрелани кон Израел поради ескалацијата на борбите меѓу Израел и Хезболах во Либан. Многумина беа пресретнати, но некои ја пробија одбраната.
Свет
(Видео) „Ова е сосема лудо!“ – „Старшип“ на Илон Маск изведе неверојатна мисија
Компанијата „Спејс Икс“ на милијардерoт Илон Маск денеска изврши успешна пробна летачка мисија со системот „Старшип“, петта по ред, со успешно враќање на Земјата на првата етапа од вселенскиот систем.
Пробната мисија имаше за цел да презентира можност првата етапа, ракетата „Супер хеви“ да се врати на Земјата неоштетена. Таа слета директно во клештите на лансирната рампа од каде што претходно беше лансирана. Ова предизвика радосни извици и аплаузи во вселенскиот центар на компанијата во јужен Тексас.
Watch Starship’s fifth flight test https://t.co/LVrCnTv797
— SpaceX (@SpaceX) October 12, 2024
„Ова е сосема лудо!“ врескаше инженерката на „Спејс Икс“, Кејт Тајс за време на преносот во живо.
Ова претставува голем чекор напред кон главната цел на „Спејс Икс“, „Старшип“ да стане вселенско летало за повеќекратна употреба. На веб-страницата на „Спејс Икс“ се вели дека тоа е „вселенски брод за целосно повеќекратна употреба“ и втора етапа од системот „Старшип“ .