Свет
Најдобар претседател на САД би бил робот, убеден е Кастро
Најдобар претседател на САД би можел да биде робот способен да управува држава, саркастично забележува лидерот на кубанската револуција Фидел Кастро во неговата нова статија објавена во кубанските медиуми ноќта кон понеделникот.
Најдобар претседател на САД би можел да биде робот способен да управува држава, саркастично забележува лидерот на кубанската револуција Фидел Кастро во неговата нова статија објавена во кубанските медиуми ноќта кон понеделникот.„Сигурен сум дека 90 отсто од Американците со право на глас, особено хиспанофоните, црнците и поголем дел од средната класа и сиромашните луѓе – би гласале за робот“, пишува Кастро во написот објавен под наслов „Најдобриот претседател на САД“.Пред извесно време Фидел Кастро објави напис во кој уште еднаш го повика човештвото да се соочи со две глобални закани – заканата од нуклеарна војна и опасноста од климатските промени.Во овој напис, лидерот на кубанската револуција ги коментира неодамнешните написи во печатот за информациите за создадениот ултра-тенок електричен кабел, кој е десет илјади пати потенок од човечката коса.„Кога станува збор за овие научни достигнувања, коишто треба да послужат за добробит на човештвотот, јас си споменувам за тоа што беше напишано четири дена претходно за глобалното затоплување“, пишува Кастро.„Јас се помислив како да се толкуваат зборовите на Обама, за кого во очајничкиот обид да го достигне сонот на (Мартин) Лутер Кинг, тие се покажуваа подалечни од најблиската планета на којашто има живот“, продолжува Кастро.„Ситуацијата е уште полоша – кој и да е конгресмен на републиканците кој може да победи на претседателските избори, и шефот или шефицата на Ти Парти, имаат повеќе нуклеарни бомби на своите плеќи, отколку мировни планови во нивните глави“, пишува легендарниот кубански водач.„Зарем не е очигледно дека најлошо од сé е отсуството на робот во Белата куќа, способен да управува со САД и да се спречи војна која се заканува да стави крај на нашите животи?“, саркастично ја завршува статијата Кастро.Во поголемиот дел од своите последни написи, Фидел Кастро изразува загриженост од ситуацијата во светот, повикувајќи ги политичарите да изнајдат решенија за проблемите, како што се зголемувањето на цените на храната, климатските промени, опасноста од нуклеарна војна и нејзината последица „нуклеарна зима“.Лидерот на кубанската револуција повеќепати изјави дека „на човечкиот род му се заканува реална опасност од исчезнување“, притоа изразувајќи уверување дека „човештвото ќе најде сили да се спаси“./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.
Свет
„ Тоа е мојот син, го познав по кошулата“: Ископани масовни гробници во Газа
Властите во Газа го завршија претресот на масовните гробници во болница во јужниот дел на Појасот и соопштија дека откопале 392 тела. Претставник на палестинската цивилна одбрана во Газа вчера изјави дека 165 тела биле идентификувани и закопани во комплексот на болницата Насер во Кан Јунис по повлекувањето на израелските сили.
„Идентитетот на преостанатите 227 тела допрва треба да се утврди. Пронајдовме три масовни гробници, првата пред мртовечницата, втората зад мртовечницата и третата северно од зградата за дијализа“, рече Мохамед Ал Мигаџер. Израелските одбранбени сили (ИДФ) негираат дека нивните војници ставале тела во масовни гробници и тврдат дека гробниците во комплексот биле ископани од Палестинци во Газа пред неколку месеци.
Цивилната одбрана на Газа признава дека околу 100 луѓе биле закопани во болничката област. Новинар на Си-Ен-Ен, кој во неделата ја посети областа, наведува дека во јануари, како дел од привремена мерка, мештаните ги закопале телата на убиените членови на семејството во болницата бидејќи немало безбеден пристап до гробиштата.
Кога се вратиле по израелското повлекување, откриле дека телата биле ексхумирани, веројатно за да може ИДФ да користи ДНК анализа за да утврди дали меѓу нив има заложници.
Ал Мигаџер наведува дека цивилната одбрана пронашла тела на деца во масовни гробници, што докажува дека се работи за геноцид. Палестинските власти веруваат дека најмалку 20 цивили биле живи закопани, но не соопштуваат детали. Ал Мигаџер тврди дека некои болнички пациенти биле и егзекутирани и дека на нивните тела биле пронајдени прострелни рани во главата.
Си-Ен-Ен пренесува изјава на татко кој го идентификувал распаднатото тело на неговиот 15-годишен син. Човекот погледнал во безживотното тело на детето и рекол: „Тоа е мојот син, јас го знам тоа по неговата кошула“. “О Боже, тој е мртов. Тој е мртов”, рече тој, бришејќи ги солзите.
„Циркулираат дезинформации во врска со масовната гробница во болницата Насер. Гробовите беа ископани во Газа пред неколку месеци. Тоа го потврдуваат видеата што тогашните жители на Газа ги објавуваа на социјалните мрежи“, напиша Надав Шошани.
„Секој обид да се обвини Израел за закопување цивили во масовни гробници е лага. Тоа е пример за кампања за дезинформации чија цел е делегитимирање на Израел“, додаде тој. ИДФ соопшти дека отстранила десетици тела од Газа за ДНК тестови во Израел, а потоа ги ставила посмртните останки во контејнери.
„Чувствуваме потреба да алармираме бидејќи се откриени повеќе тела“, рече Равина Шамдасани, портпаролка на Високиот комесаријат за човекови права на ОН. Таа ги опиша телата кои биле „закопани длабоко во земјата и покриени со ѓубре“, додавајќи дека „меѓу загинатите наводно има постари лица, жени и повредени“, вклучително и некои кои биле врзани и без облека.
Лекарите кои работат за Лекари без граници велат дека израелските сили ја нападнале болницата Насер кон крајот на јануари, пред да се повлечат еден месец подоцна, оставајќи ја установата неспособна да функционира.