Несигурноста во врска со референдумот за независност на Шкотска му штети на бизнисот, па Лондон е подготвен да им даде право на шкотските власти порано да го спроведат плебисцитот претходно планиран за 2014 година, изјави во интервју за Sky News, британскиот премиер Дејвид Камерон.

Несигурноста во врска со референдумот за независност на Шкотска му штети на бизнисот, па Лондон е подготвен да им даде право на шкотските власти порано да го спроведат плебисцитот претходно планиран за 2014 година, изјави во интервју за Sky News, британскиот премиер Дејвид Камерон.„Долгото исчекување на референдумот и’ нанесува големи штети на Шкотска, затоа што бизнисот не ги разбира перспективите – дали Британија ќе остане обединета. Оттаму, сметам дека би било порационално да се постави конкретното прашање пред граѓаните на Шкотска, што е можно порано“, смета британскиот премиер Дејвид Камерон.Шкотската национална партија (SNP) веќе неколку години го поставува прашањето за организирање референдум за независност на регионот. Откако победи на последните избори за шкотскиот парламент во 2011 година, партијата вети дека ќе го постави прашањето за изјаснување пред граѓаните пред истокот на петгодишниот мандат на актуелната законодавна власт, попрецизно во 2014 година.Според британските медиуми, владата ќе се состане во понеделник за да разговара за можноста за одржување референдум во следната година ипол. Како што се очекуваше, Даунинг стрит соопшти дека без одобрение на Лондон, референдумот нема да има правна сила. Лондон е подготвен да го дозволи изјаснувањето, но, најверојатно, ќе постави одредени услови, односно ќе остави само две опции – или „за“ или „против“ отцепување, со отстранување на можноста за проширување на автономната власт во Шкотска.„Во прв ред, мора да сме на чисто во однос на правниот статус на референдумот, кој е одговорен за него – британскиот или шкотскиот парламент. Доколку Алекс Салмонд (шкотскиот премиер и лидер на SNP- з.м.) сака референдум, зошто да чекаме до 2014 година?“, додава Камерон.Одржување на референдумот пред предвидениот датум оди во полза на конзервативците. Првенствено затоа што повеќето анкети на јавното мислење покажуваат дека Шкотланѓаните се сега понастроени за поширока автономија, но не и за целосна независност. Второ, конзервативците сега уште се во можност да постигнат затворање на прашањето за премин кон алтернативен систем на гласање за парламентарните избори. Спроведување на истражување на оваа тема беше еден од условите на либерал-демократите, кои по изборите од 2010 година, се согласија со „ториевците“ да учествуваат во новата коалициска влада. На референдумот кој се одржа една година подоцна, и „либдемот“ претрпе голем пораз – Британците не ги поддржаа изборните реформи./крај/сн/мф/сн