Свет
Од руината на крстосувачот „Коста Конкордија“ истекува непозната течност
Течност со непознато потекло истекува од трупот на хавасираниот италијански туристички крстосувач „Коста Конкордија“, јави во понеделникот навечер Reuters, повикувајќи се на изјавата на министерот за животна средина на Италија, Корадо Клини.
Течност со непознато потекло истекува од трупот на хавасираниот италијански туристички крстосувач „Коста Конкордија“, јави во понеделникот навечер Reuters, повикувајќи се на изјавата на министерот за животна средина на Италија, Корадо Клини.Засега не востановено дали станува збор за истекување гориво од внатрешноста на бродот, изјавил Клини. Тој додал дека за секој случај вбдите околу заринканиот брод се оградени.Клини, исто така, изјавил дека наскоро ќе прогласи вонредна состојба поради хаваријата на бродот.„Продолжува постојаниот мониторинг (на ситуацијата) со цел да се донесат одлуки во насока на избегнување на загадување“, го цитира агенцијата италијанскиот министер за заштита на животната средина.Претходно светската еколошка организација Гринпис соопшти дека во резервоарите на бродот има 2.400 тони гориво, и оти неговото излевање може да предизвика сериозна штета на животната средина. Особено загриженоста на еколозите се должи на фактот дека бродот потонал во заштитена област.Луксузниот туристики крстосувач „Коста Конкордија“, на кој имаше повеќе од 3.200 патници и членови на екипажот, меѓу кои и тричленото македонско семејство Даскаловиќ, заринка во близната на островот Џиљо во Тиренското Море во близина на брегот на италијанскиот регион Тоскана ноќта кон 14 јануари. Според капетанот на бродот, пловилото удрило во подводен гребен, кој не бил внесен во навигациската карта. Миланскиот дневен весник Corriere della Sera во понеделникот навечер пишуваше дека капетанот на бродот скршнал од зацртаната рута, што го наведе и првиот човек на компанијата „Коста Крујзерс“ во чија сопственост е бродот, Пјерлуиџи Фоски. Капетанот Франческо Скетино непосредно пред несреќата го повикал шефот на келнерите Антонело Тјеволи на командниот мост и му се обратил со зборовите „Антонело, дојди да видиш, сосема сме близу до твоето Џиљо“. Тјеволи, наводно требало една недела претходно да замине на одмор, но бил принуден да остане на бродот, бидејќи не му била пронајдена соодветна замена. Од тие причини капетанот Скетино сакал да му направи услуга и го доближил огромниот брод доа карпестото крајбрежје, наведува извор на весникот.Досега спасувачките екипи извлекоа шест тела на настраданите во несреќата, додека сѐ уште како исчезнати се водат најмалку 14 лица./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.